ಉಡುಪಿ: ಉಡುಪಿ-ಮಣಿಪಾಲ ರಸ್ತೆಯ ಲಕ್ಷ್ಮೀಂದ್ರನಗರದ ಪ್ರೀಮಿಯರ್ ಅಪ್ ಟೌನ್ ನಲ್ಲಿ ಯುವ ಉದ್ಯಮಿ ರಾಯೋ ಮಾಬೆನ್ ಅವರು ನೂತನವಾಗಿ ಆರಂಭಿಸಿರುವ ‘ದ ರಾಯೋ ಮಾಬೆನ್’ ಸ್ಟುಡಿಯೋ ಇದರ ಉದ್ಘಾಟನಾ ಸಮಾರಂಭ ಡಿಸೆಂಬರ್ 18 ರಂದು ನಡೆಯಲಿದೆ.

ಮಾಜಿ ಸಚಿವ ಪ್ರಮೋದ್ ಮಧ್ವರಾಜ್, ಸೆಲೆಬ್ರಿಟಿ ಛಾಯಾಗ್ರಾಹಕ ಮತ್ತು ನಿರ್ದೇಶಕ ಸುಬಿ ಸ್ಯಾಮ್ವೆಲ್, ಯೋಗ ತರಬೇತುದಾರರಾದ ಸಂಧ್ಯಾ ಕಾಮತ್, ಬೆಲ್-ಓ-ಸೀಲ್ ವ್ಯಾಲ್ವ್ಸ್ ನಿರ್ದೇಶಕಿ ಸಪ್ನಾ ಸ್ಯಾಲಿನ್ಸ್ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ ಎಂದು ಪ್ರಕಟಣೆ ತಿಳಿಸಿದೆ.

ಮಣಿಪಾಲ ಮಾಹೆಯಲ್ಲಿ ಫ್ಯಾಶನ್ ಡಿಸೈನಿಂಗ್ ಅಧ್ಯಯನ ನಡೆಸಿರುವ ರಾಯೋ ಮಾಬೆನ್, ವಸ್ತ್ರವಿನ್ಯಾಸ, ಕಸೂತಿಯಲ್ಲಿ ತನ್ನ ಕೌಶಲ್ಯ ಮತ್ತು ಸೃಜನಶೀಲತೆಯಿಂದ ರಾಜ್ಯದಾದ್ಯಂತ ಪ್ರಖ್ಯಾತಿಯನ್ನು ಗಳಿಸಿದ್ದಾರೆ.

ಆನ್ ಲೈನ್ ನಲ್ಲಿ 2018 ರಲ್ಲಿ ಆರಂಭವಾದ ‘ದ ರಾಯೋ ಮಾಬೆನ್’ ಫ್ಯಾಶನ್ ಡಿಸೈನಿಂಗ್ ನಲ್ಲಿ ಹಲವು ಸಾಧನೆಗಳನ್ನು ನಡೆಸಿದ್ದು ಮಾತ್ರವಲ್ಲದೇ ಹಲವಾರು ಬ್ರ್ಯಾಂಡ್ ಗಳಿಗೆ ಪ್ರದರ್ಶನ ಸಂಘಟಿಸುವಲ್ಲಿ ಇವರು ಸಹಕರಿಸಿದ್ದಾರೆ.