ಕೊಣಾಜೆ: ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಮಂಗಳೂರು ವಿಶ್ವವಿದ್ಯಾನಿಲಯ ಘಟಕದ ವತಿಯಿಂದ ಸ್ವಾಮಿ ವಿವೇಕಾನಂದರ ಜಯಂತಿ ಆಚರಿಸಲಾಯಿತು. ಮಂಗಳೂರು ವಿಶ್ವವಿದ್ಯಾನಿಲಯದ ಪರೀಕ್ಷಾಂಗ ಕುಲಸಚಿವರಾದ ಪ್ರೊ. ಪಿ ಎಲ್ ಧರ್ಮರವರು ಪುಷ್ಪರ್ಚನೆ ಮಾಡಿ, ಸ್ವಾಮಿ ವಿವೇಕಾನಂದರು ತೋರಿಸಿಕೊಟ್ಟ ದಾರಿಯನ್ನು ಇಂದು ನಾವು ಪಾಲನೆ ಮಾಡುವುದು ತುಂಬ ಅಗತ್ಯವಾಗಿದೆ.

ವಿದ್ಯಾರ್ಥಿಗಳು ನಾಯಕತ್ವ ಗುಣಗಳನ್ನು ಬೆಳೆಸಿಕೊಂಡು, ಸಮಾಜದಲ್ಲಿ ಉತ್ತಮ ಪ್ರಜೆಗಳಾಗಬೇಕು ಎಂದು ವಿದ್ಯಾರ್ಥಿಗಳಿಗೆ ಹಾರೈಸಿದರು. ಸಮಾಜಕಾರ್ಯ ವಿಭಾಗ ಅಧ್ಯಕ್ಷರಾದ ಪ್ರೊ. ಪೌಲ್. ಜಿ ಅಕ್ವಿನಸ್, ರಸಾಯನಶಾಸ್ತ್ರ ವಿಭಾಗದ ಪ್ರೊ, ಭೋಜ ಪೂಜಾರಿ, ವಾಣಿಜ್ಯ ವಿಭಾಗ ಅಧ್ಯಕ್ಷರಾದ ಡಾ. ಪರಮೇಶ್ವರ್, ಅಭಾವಿಪ ನಗರ ಅಧ್ಯಕ್ಷ ಪ್ರಸಾದ್ ಪೆರ್ಲಂಪಾಡಿ, ಮಂಗಳೂರು ವಿಶ್ವವಿದ್ಯಾನಿಲಯ ಘಟಕ ಮತ್ತು ನಗರದ ಎಲ್ಲಾ ಕಾರ್ಯಕರ್ತರು ಉಪಸ್ಥಿತರಿದ್ದರು.

ಅಭಾವಿಪ ನಗರ ಸಹ ಕಾರ್ಯದರ್ಶಿ ಸಂಪತ್ ಸ್ವಾಗತಿಸಿ, ಕೌಶಿಕ್ ಕಾರ್ಯಕ್ರಮ ನಿರೂಪಿಸಿದರು.