ಉಡುಪಿ, ಸೆ.27: ಆಮ್ ಕೇರ್ ಕ್ಲಿನಿಕ್, ರೋಟರಿ ಉಡುಪಿ ಮತ್ತು ಇನ್ನರ್ ವೀಲ್ ಉಡುಪಿ ಇವರುಗಳಿಂದ ಲಕ್ಷ್ಮೀಂದ್ರನಗರದ ಆಮ್ ಕೇರ್ ಕ್ಲಿನಿಕ್ ನ ಮುಂಭಾಗದಲ್ಲಿ ಡಾ.ಸುರೇಶ್ ಶೆಣೈ ಪ್ರಾಯೋಜಕತ್ವದಲ್ಲಿ ರಸ್ತೆ ಸುರಕ್ಷತೆ ಮತ್ತು ಜಲಸಾಕ್ಷರತೆ ಬಗ್ಗೆ ಜನಜಾಗೃತಿಗಾಗಿ ಹಾಕಿದ ಫಲಕಗಳನ್ನು ರೋಟರಿ ಗವರ್ನರ್ ಸಿಎ ದೇವಾನಂದ ಉದ್ಘಾಟಿಸಿದರು. ರೋಟರಿ ಅಧ್ಯಕ್ಷ ಗುರುರಾಜ ಭಟ್ ಸ್ವಾಗತಿಸಿದರು.ಇನ್ನ ರ್ ವೀಲ್ ಅಧ್ಯಕ್ಷೆ ಸುರೇಖಾ ಕಲ್ಕೂರ್, ರೋಟರಿ ಕಾರ್ಯದರ್ಶಿ ವೈಷ್ಣವಿ ಆಚಾರ್ಯ, ಇನ್ನರ್ ವೀಲ್ ಕಾರ್ಯದರ್ಶಿ ಪದ್ಮಿನಿ ಭಟ್ ಮತ್ತು ರೋಟರಿ ಮತ್ತು ಇನ್ನರ್ ವೀಲ್ ಸದಸ್ಯರು ಉಪಸ್ಥಿತರಿದ್ದರು. ಬೆಳಿಗ್ಗೆ 10 ಗಂಟೆಯಿಂದ ಆಮ್ ಕೇರ್ ಕ್ಲಿನಿಕ್ನಲ್ಲಿ ಮೂಳೆಸಾಂದ್ರತೆ ಪರೀಕ್ಷಾ ಶಿಬಿರ ನಡೆಯಿತು. ನೂರಕ್ಕೂ ಮಿಕ್ಕಿ ಜನರು ಸದುಪಯೋಗ ಪಡೆದರು.