ಉಡುಪಿ, ಆ.15: ದೇಶ ಕಾಯುವ ಯೋಧರ ಬಲಿದಾನಕ್ಕೆ ಬೆಲೆ ತೆರಬೇಕಾದ ಬೃಹತ್ ಜವಾಬ್ದಾರಿ ನಮ್ಮ ಮೇಲಿದೆ. ಮಹಾನ್ ನಾಯಕರು ದೇಶ ಕಟ್ಟಲು ಶ್ರಮಿಸಿದಂತೆ ನಾವು ದೇಶ ಸೇವೆಗೆ ಸದಾ ಸಿದ್ಧರಿರೋಣ. ನಮ್ಮ ಹಕ್ಕುಗಳನ್ನು ಪಡೆದಂತೆ ಕರ್ತವ್ಯಗಳ ಪಾಲಕರು ನಾವಾಗಬೇಕು. ಭಾರತದ ತ್ರಿವರ್ಣ ಧ್ವಜದ ಮಹತ್ವ ಅರಿತು ನಾವೆಲ್ಲ ಭಾರತದ ಹೆಮ್ಮೆಯ ಪ್ರಜೆಗಳಾಗೋಣ ಎಂದು ಸಾವ್ಟ್ವೇರ್ ಕನ್‌ಸಲ್ಟೆಂಟ್ ರಜನೀಶ್ ಆಚಾರ್ಯ ಹೇಳಿದರು. ಉಡುಪಿ ಜ್ಞಾನಸುಧಾ ಪದವಿಪೂರ್ವ ಕಾಲೇಜಿನಲ್ಲಿ 78 ನೇ ಸ್ವಾತಂತ್ರ್ಯ ದಿನಾಚರಣೆಯ ಪ್ರಯುಕ್ತ ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಇವರು ಧ್ವಜಾರೋಹಣ ನೆರವೇರಿಸಿ ಮಾತನಾಡಿದರು.

ಸೌಜನ್ಯ ಭಟ್ ಸ್ವತಂತ್ರ ಭಾರತದ ಕುರಿತು ಮಾತನಾಡಿದರು. ಪ್ರಾಂಶುಪಾಲ ಸಂತೋಷ್ ಸ್ವಾಗತಿಸಿ, ಆಂಗ್ಲ ಭಾಷಾ ಉಪನ್ಯಾಸಕಿ ಕೀರ್ತಿ ಹರೀಶ್ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು. ಉಪಪ್ರಾಂಶುಪಾಲ ಪ್ರಕಾಶ್ ಜೋಗಿ, ಬೋಧಕ ಬೋಧಕೇತರರು ಉಪಸ್ಥಿತರಿದ್ದರು.