ಕೋಟ, ಜೂ.7: ಸೇವಾ ನಿವೃತ್ತಿಯಾದ ಕರ್ಣಾಟಕ ಬ್ಯಾಂಕ್ ಸಾಲಿಗ್ರಾಮ ಶಾಖೆಯ ವ್ಯವಸ್ಥಾಪಕ ಭಾಸ್ಕರ ಹೆಗ್ಡೆ ಸಿ ಹೆಚ್ ಹಾಗೂ ದಂಪತಿಗಳನ್ನು ಸಮಾನಮನಸ್ಕರ ತಂಡದ ವತಿಯಿಂದ ಅಭಿನಂದನಾ ಕಾರ್ಯಕ್ರಮ ಸಾಲಿಗ್ರಾಮ ಶಾಖೆಯಲ್ಲಿ ನಡೆಯಿತು. ಕಾರ್ತಟ್ಟು ಅಘೋರೇಶ್ವರ ದೇಗುಲದ ಅಧ್ಯಕ್ಷ ಚಂದ್ರಶೇಖರ ಕಾರಂತ್ ಮಾತನಾಡಿ ಹೆಗ್ಡೆಯವರ ೩೪ ವರ್ಷದ ಬ್ಯಾಂಕಿನ ಸುದೀರ್ಘ ಸೇವೆಯನ್ನು ಶ್ಲಾಘಿಸಿ, ಅವರ ಕರ್ತವ್ಯಪ್ರಜ್ಞೆಯನ್ನು, ಸರಳ ವ್ಯಕ್ತಿತ್ವವನ್ನು ಕೊಂಡಾಡಿದರು. ಸಭೆಯಲ್ಲಿ ನರಸಿಂಹ ಐತಾಳ್, ಸಿಬ್ಬಂದಿ ಪಿ. ಸೀತಾರಾಮ ಐತಾಳ ಹಾಗೂ ಸುಧಾಕರ ನಾವಡ, ಶಾಖಾ ಸಿಬ್ಬಂದಿಗಳು, ಸ್ಥಳೀಯರು ಉಪಸ್ಥಿತರಿದ್ದರು. ಗೆಳೆಯರ ಬಳಗ ಕಾರ್ಕಡದ ಅಧ್ಯಕ್ಷ ಕೆ.ತಾರಾನಾಥ ಹೊಳ್ಳ ಕಾರ್ಯಕ್ರಮ ಸಂಯೋಜಿಸಿ ನಿರೂಪಿಸಿದರು. ವ್ಯವಸ್ಥಾಪಕರಾದ ಅವಿನಾಶ್ ಹಂದೆ ವಂದಿಸಿದರು.