ಉಡುಪಿ, ಮೇ 15: ಮಂಗಳವಾರ ಜಿಲ್ಲೆಯಲ್ಲಿ ಹಲವೆಡೆ ಗಾಳಿ-ಮಳೆಗೆ ಮನೆಗಳಿಗೆ ಭಾಗಶಃ ಹಾನಿಯಾಗಿವೆ. ಸಿದ್ಧಾಪುರ ಗ್ರಾಮದ ಸುರೇಶ್ ಶೆಟ್ಟಿ ಎಂಬವರು ಸಿಡಿಲು ಬಡಿದು ಮೃತಪಟ್ಟಿದ್ದಾರೆ. ಬ್ರಹ್ಮಾವರದ ನಾಲ್ಕೂರು ಎಂಬಲ್ಲಿ ನಾಗಪ್ಪಯ್ಯ ಶಾನುಭೋಗ ಎಂಬವರ ಹಸು ಸಿಡಿಲಿಗೆ ಬಲಿಯಾಗಿದೆ. ಹೆಗ್ಗುಂಜೆ, ಹೇರೂರು, ಹೊಸಂಗಡಿ, ಮೊಳಹಳ್ಳಿ, ಸಿದ್ಧಾಪುರ, ಉಳ್ಳೂರು ಎಂಬಲ್ಲಿ ಗಾಳಿ ಮಳೆಯಿಂದ ಮನೆಗಳಿಗೆ ಭಾಗಶಃ ಹಾನಿಯಾಗಿದೆ.

ಜಿಲ್ಲೆಯಲ್ಲಿ ಮಂಗಳವಾರ ಸುರಿದ ಮಳೆಯ ಪ್ರಮಾಣ: ಬ್ರಹ್ಮಾವರ- 15, ಕುಂದಾಪುರ- 13, ಹೆಬ್ರಿ-8.3, ಬೈಂದೂರು-7.7, ಉಡುಪಿ-4.9, ಕಾರ್ಕಳ-0.4 ಮಿಮೀ ಮಳೆಯಾಗಿದೆ.