ಉಡುಪಿ, ಫೆ.23: ಬೆಳ್ತಂಗಡಿಯ ವೇಣೂರಿನ ಬಾಹುಬಲಿಗೆ ಮಹಾಮಜ್ಜನ (ಮಹಾ ಮಸ್ತಕಾಭಿಷೇಕದ) ಹಿನ್ನೆಲೆಯಲ್ಲಿ ಅಶ್ವಥ ಎಲೆಯಲ್ಲಿ ಸಾಮಾಜಿಕ ಕಾರ್ಯಕರ್ತ ಕಲಾವಿದ ಗಣೇಶ್ ರಾಜ್ ಸರಳೇಬೆಟ್ಟು ಅವರು ಅತ್ಯಾಕರ್ಷಕವಾಗಿ ಬಾಹುಬಲಿಸ್ವಾಮಿಯ ಕಪ್ಪು ಬಿಳುಪು ರೇಖಾಚಿತ್ರ ರಚಿಸಿದ್ದು, ಎಲ್ಲರ ಗಮನ ಸೆಳೆದಿದ್ದಾರೆ. ಬಾರಕೂರಿನ ಬೆಣ್ಣೆಕುದ್ರು ಕುಲಮಹಾಸ್ತ್ರೀ ಅಮ್ಮನವರ ದೇವಸ್ಥಾನದ ಬಳಿ ಇರುವ ಅರಳಿ ಮರದ ಎಲೆ ಬಳಸಿ ಈ ಚಿತ್ರ ರಚಿಸಲಾಗಿದೆ. ಈ ಎಲೆ 9 ಇಂಚು ಎತ್ತರ, 6 ಇಂಚು ಅಗಲ ಹೊಂದಿದೆ.