ಉಡುಪಿ, ಡಿ.24: ಕಲ್ಯಾಣಪುರದ ಶ್ರೀ ವೆಂಕಟರಮಣ ದೇವಸ್ಥಾನದಲ್ಲಿ 95ನೇ ಭಜನಾ ಸಪ್ತಾಹದ ಪ್ರಯುಕ್ತ ಗೀತಾ ಜಯಂತಿಯ ಅಂಗವಾಗಿ ಶನಿವಾರ ವೈಭವದ ಉತ್ಸವ ನಡೆಯಿತು. ಪುಷ್ಪರಥದಲ್ಲಿ ದೇವಳದಿಂದ ಹೊರಟ ಉತ್ಸವ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ದೇವಳದಲ್ಲಿ ಸಂಪನ್ನಗೊಂಡಿತು.

ದೇವಳದ ಆಡಳಿತ ಮೊಕ್ತೇಸರ ಅನಂತಪದ್ಮನಾಭ ಕಿಣಿ, ಪ್ರಧಾನ ಅರ್ಚಕರಾದ ಜಯದೇವ ಭಟ್, ಭಜನಾ ಸಪ್ತಾಹ ಸಮಿತಿಯ ಅಧ್ಯಕ್ಷರಾದ ಕೆ. ತುಳಸಿದಾಸ್ ಕಿಣಿ, ಭಜನಾ ಸಪ್ತಾಹ ಸಮಿತಿಯ ಸದಸ್ಯರು, ಆಡಳಿತ ಮಂಡಳಿಯ ಸದಸ್ಯರು, ಜಿ.ಎಸ್.ಬಿ ಸಭಾ, ಮಹಿಳಾ ಮಂಡಳಿಯ ಸದಸ್ಯರು ಇದ್ದರು.

ಮುಕ್ಕೋಟಿ ದ್ವಾದಶಿ ತೀರ್ಥಸ್ನಾನ: ರವಿವಾರ ಮುಕ್ಕೋಟಿ ದ್ವಾದಶಿಯಂದು ಪ್ರಾತಃಕಾಲದಲ್ಲಿ ಕಲ್ಯಾಣಪುರ ಶ್ರೀ ವೆಂಕಟರಮಣ ದೇವಸ್ಥಾನದಿಂದ ಉತ್ಸವ ಮೂರ್ತಿಯನ್ನು ಪಲ್ಲಕ್ಕಿಯಲ್ಲಿರಿಸಿ ವೈಭವದ ಉತ್ಸವ ದೇವಳದಿಂದ ಹೊರಟು ಸ್ವರ್ಣಾ ನದಿಯಲ್ಲಿ ತೀರ್ಥಸ್ನಾನ ನಡೆಯಿತು.