ಉಡುಪಿ, ಡಿ.16: ಬೈಲೂರು ಕೌಡೂರಿನಲ್ಲಿರುವ ಹೊಸಬೆಳಕು ಆಶ್ರಮದಲ್ಲಿ ನೂತನವಾಗಿ ನಿರ್ಮಿಸಿದ ಕೊಳವೆ ಬಾವಿಗೆ ಪಂಪ್ ಅಳವಡಿಕೆ ಹಾಗೂ ವಿದ್ಯುತ್ ಸಂಪರ್ಕದ ಉದ್ಘಾಟನೆಯನ್ನು ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ಸಂಸ್ಥೆಯ ಗೌರವಾಧ್ಯಕ್ಷರಾದ ಉಡುಪಿ ಯು. ವಿಶ್ವನಾಥ ಶೆಣೈ ದೀಪ ಬೆಳಗಿಸಿ ಉದ್ಘಾಟಿಸಿದರು. ಸಮಾಜ ಸೇವಕರಾದ ರವೀಂದ್ರ ನಾಯಕ್, ಹೊಸಬೆಳಕು ಸೇವಾ ಟ್ರಸ್ಟ್ ಸಂಸ್ಥಾಪಕರಾದ ವಿನಯಚಂದ್ರ, ತನುಲಾ ತರುಣ್, ಜಯರಾಮ್ ಪಾಟ್ಕರ್, ದೇವದಾಸ ಕಾಮತ್ ಹಾಗೂ ಹೊಸಬೆಳಕು ನಿವಾಸಿಗಳು ಉಪಸ್ಥಿತರಿದ್ದರು.