ಮಣಿಪಾಲ, ಸೆ. 13: ಪ್ರಸೂತಿ ಮತ್ತು ಸ್ತ್ರೀರೋಗ ಶಾಸ್ತ್ರ ವಿಭಾಗವು ಸೆ.9 ಮತ್ತು 10 ರಂದು ಮಣಿಪಾಲದ ಕಸ್ತೂರ್ಬಾ ವೈದ್ಯಕೀಯ ಕಾಲೇಜಿನಲ್ಲಿ ಕೆ ಎಸ್ ಸಿ -ಎ ಜಿ ಓ ಐ (ಭಾರತೀಯ ಸ್ತ್ರೀರೋಗ ಶಾಸ್ತ್ರದ ಆಂಕೊಲಾಜಿಸ್ಟ್‌ಗಳ ಸಂಘದ ಕರ್ನಾಟಕ ರಾಜ್ಯ ವಿಭಾಗ) 12 ನೇ ವಾರ್ಷಿಕ ರಾಜ್ಯ ಸಮ್ಮೇಳನವನ್ನು ಆಯೋಜಿಸಿತ್ತು. ಡಾ. ಶರತ್ ಕೆ ರಾವ್, ಸಹ ಕುಲಪತಿಗಳು ಮಾಹೆ ಮಣಿಪಾಲ ಕಾರ್ಯಕ್ರಮವನ್ನು ಉದ್ಘಾಟಿಸಿ ಉಪವಿಶೇಷತೆಯ ಮಹತ್ವದ ಕುರಿತು ಮಾತನಾಡಿದರು. ಕೆಎಂಸಿ ಮಣಿಪಾಲದ ಡೀನ್ ಡಾ. ಪದ್ಮರಾಜ್ ಹೆಗ್ಡೆ, ಕೆಎಸ್‌ಸಿಎಜಿಒಐ ಅಧ್ಯಕ್ಷ ಡಾ. ಪ್ರಲ್ಹಾದ್ ಕುಷ್ಟಗಿ, ಕೆಎಸ್‌ಸಿಎಜಿಒಐ ಕಾರ್ಯದರ್ಶಿ ಡಾ.ಶಿವಕುಮಾರ್ ಎಚ್‌ಸಿ ಉಪಸ್ಥಿತರಿದ್ದರು. ಕಸ್ತೂರ್ಬಾ ಆಸ್ಪತ್ರೆ ಮಣಿಪಾಲದ ಪ್ರಸೂತಿ ಮತ್ತು ಸ್ತ್ರೀರೋಗ ವಿಭಾಗದ ಪ್ರಾಧ್ಯಾಪಕ ಹಾಗೂ ಮುಖ್ಯಸ್ಥ ಡಾ. ಶ್ರೀಪಾದ್ ಹೆಬ್ಬಾರ್ ಸ್ವಾಗತಿಸಿ, ವಿಭಾಗದ ಪ್ರಾಧ್ಯಾಪಕಿ ಮತ್ತು ಸ್ತ್ರೀರೋಗ ಶಾಸ್ತ್ರ ಆಂಕೊಲಾಜಿ ಫೆಲೋಶಿಪ್ ಕಾರ್ಯಕ್ರಮದ ಸಂಯೋಜಕರಾದ ಡಾ.ಶ್ಯಾಮಲಾ ಜಿ. ವಂದಿಸಿದರು.

ಸಮ್ಮೇಳನದಲ್ಲಿ ರಾಜ್ಯದ ನಾನಾ ಭಾಗಗಳಿಂದ ಕರ್ನಾಟಕದ ಹೊರ ರಾಜ್ಯಗಳಿಂದಲೂ ಹಾಗೂ ವಿದೇಶಗಳಿಂದಲೂ ಖ್ಯಾತ ತಜ್ಞರು ಭಾಗವಹಿಸಿದ್ದರು. ಸಮ್ಮೇಳನವು ಸ್ತ್ರೀರೋಗ ಶಾಸ್ತ್ರ ಆಂಕೊಲಾಜಿಗೆ ಸಂಬಂಧಿಸಿದ ಅಗತ್ಯ ವಿಷಯಗಳನ್ನು ಒಳಗೊಂಡಿತ್ತು. ಚರ್ಚೆಗಳು ಎಚ್ ಪಿ ವಿ ಲಸಿಕೆ, ಸಮುದಾಯ ಜಾಗೃತಿ ಮತ್ತು ತಪಾಸಣೆ ಮೂಲಕ ಗರ್ಭಕಂಠದ ಕ್ಯಾನ್ಸರ್ ತಡೆಗಟ್ಟುವಿಕೆಯ ಸುತ್ತ ಕೇಂದ್ರಿಕರಿಸಿತು. ಈ ಚರ್ಚೆಗಳು ಪ್ರೇಸ್ಕ್ರಿಪ್ಟಿಕ್ ಯೋಜನೆಯಿಂದ ಬೆಂಬಲಿತವಾಗಿದೆ. ಜ್ಞಾನವನ್ನು ಹಂಚಿಕೊಳ್ಳಲು ಕ್ಷೇತ್ರದಲ್ಲಿನ ಪ್ರಮುಖ ಸಮಸ್ಯೆಗಳನ್ನು ಚರ್ಚಿಸಲು ಮತ್ತು ಸ್ತ್ರೀರೋಗ ಶಾಸ್ತ್ರದ ಕ್ಯಾನ್ಸರ್‌ಗಳಿಗೆ ವಿಶೇಷವಾಗಿ ಗರ್ಭಕಂಠದ ಕ್ಯಾನ್ಸರ್‌ಗೆ ಸಂಬಂಧಿಸಿದ ಜಾಗೃತಿ ಮತ್ತು ತಡೆಗಟ್ಟುವ ಕ್ರಮಗಳನ್ನು ಉತ್ತೇಜಿಸಲು ಸ್ತ್ರೀರೋಗ ಶಾಸ್ತ್ರದ ಆಂಕೊಲಾಜಿಯಲ್ಲಿ ತಜ್ಞರನ್ನು ಒಟ್ಟುಗೂಡಿಸಲು ಗುರಿಯನ್ನು ಸಮ್ಮೇಳನವು ಪ್ರಮುಖ ಪಾತ್ರ ವಹಿಸಿತು.