ಬ್ರಹ್ಮಾವರ, ಸೆ. 3: ಬ್ರಹ್ಮಾವರ ಎಸ್.ಎಂ.ಎಸ್. ಕಾಲೇಜಿನ ಧ್ಯಾನ್ ಚಂದ್ ಸ್ಪೋರ್ಟ್ಸ್ ಕ್ಲಬ್ ವತಿಯಿಂದ ರಾಷ್ಟ್ರೀಯ ಕ್ರೀಡಾ ದಿನಾಚರಣೆಯನ್ನು ಆಚರಿಸಲಾಯಿತು. ಇದರ ಪ್ರಯುಕ್ತ ಆರೋಗ್ಯಕರ ಜೀವನ ಶೈಲಿಯನ್ನು ಮೈಗೂಡಿಸುವ ಸಂದೇಶವನ್ನು ಸಾರುವ ನಿಲುವಿನಲ್ಲಿ ಮುಂಜಾನೆ ಫಿಟ್ ಇಂಡಿಯಾ ರನ್ ಆಯೋಜಿಸಲಾಗಿತ್ತು. ಅಂತಾರಾಷ್ಟ್ರೀಯ, ರಾಷ್ಟ್ರೀಯ, ವಿಶ್ವವಿದ್ಯಾನಿಲಯ, ಅಂತರ್ ಕಾಲೇಜು ಮಟ್ಟದಲ್ಲಿ ಪ್ರತಿನಿಧಿಸಿದ ಹಾಗೂ ವಿಜೇತರಾದ ವಿದ್ಯಾರ್ಥಿಗಳನ್ನು ಗೌರವಿಸಲಾಯಿತು.

ಅಧ್ಯಕ್ಷತೆಯನ್ನು ರೆ.ಫಾ. ಎಂ. ಸಿ ಮಥಾಯ್ ವಹಿಸಿದ್ದರು. ಓ.ಎಸ್.ಸಿ ಎಜ್ಯುಕೇಷನಲ್ ಸೊಸೈಟಿ (ರಿ.) ಪ್ರಧಾನ ಕಾರ್ಯದರ್ಶಿ ಅಲೆನ್ ರೋಹನ್ ವಾಝ್, ಕಾಲೇಜು ವಿಭಾಗದ ಕಾರ್ಯದರ್ಶಿ ಅಲ್ವಾರಿಸ್ ಡಿ ಸಿಲ್ವಾ, ಎಂ ಎಸ್ ಸ್ಪೊರ್ಟ್ಸ್ ಆಂಡ್ ಕಲ್ಚರಲ್ ಕ್ಲಬ್ ನ ಸ್ಪೊರ್ಟ್ಸ್ ಸೆಕ್ರೆಟರಿ ಹೆರಿಕ್ ಡಿ ಸೋಜ, ಪ್ರಾಂಶುಪಾಲರಾದ ಡಾ. ಮಂಜುನಾಥ ಉಡುಪ, ಕಾಯ್ರಕ್ರಮದ ಆಯೋಜಕರು ಹಾಗೂ ದೈಹಿಕ ಶಿಕ್ಷಣ ನಿರ್ದೇಶಕರಾದ ವೆಂಕಟೇಶ್ ಭಟ್, ಉಪಪ್ರಾಂಶುಪಾಲರಾದ ಡಾ.ವಿದ್ಯಾಲತಾ, ಪ್ರೊ. ರಾಬರ್ಟ್ ರೊಡ್ರಿಗೆಸ್ ಉಪಸ್ಥಿತರಿದ್ದರು. ಅರೋನ್ ರೋಚ್ ಸ್ವಾಗತಿಸಿದರು. ಪ್ರಶಸ್ತಿ ಪ್ರದಾನ ಕಾರ್ಯಕ್ರಮವನ್ನು ಉಪನ್ಯಾಸಕರಾದ ಭರತ್ ರಾಜ್ ಎಸ್ ನೇಜಾರ್, ಪ್ರಶಾಂತ್ ದೇವಾಡಿಗ, ಅಶ್ವಿನ್ ಶೆಟ್ಟಿ, ಅರುಣ್ ನೆರವೇರಿಸಿದರು. ಸಾಗರ್ ವಂದಿಸಿ, ಪ್ರಶಾಂತ್ ಶೆಟ್ಟಿ ಕಾರ್ಯಕ್ರಮ ನಿರೂಪಿಸಿದರು.