ಉಡುಪಿ, ಆ. 12: ಹಾವಂಜೆ ಗ್ರಾಮ ವಿಕಾಸ ಸಮಿತಿ, ಅಮೃತ ಗ್ರಾಮ ಪಂಚಾಯತ್ ಹಾವಂಜೆ, ಗ್ರಂಥಾಲಯ ಮಾಹಿತಿ ಕೇಂದ್ರ ಹಾವಂಜೆ ಸಂಯೋಜನೆಯಲ್ಲಿ ‘ಸ್ವಾತಂತ್ರ್ಯ ಶೃಂಗಾರ’ ಕಾರ್ಯಕ್ರಮ ಆಗಸ್ಟ್ 13 ಭಾನುವಾರ ನಡೆಯಲಿದೆ. ಅಂದು ಬೆಳಿಗ್ಗೆ 8:00 ಘಂಟೆಗೆ ಹಾವಂಜೆ ಸರ್ಕಲ್ ನಿಂದ ಮಹಾಲಿಂಗೇಶ್ವರ ದೇವಸ್ಥಾನದವರೆಗೆ ತಿರಂಗಾ ಯಾತ್ರೆ ನಡೆಯಲಿದೆ.

ಬೆಳಿಗ್ಗೆ 9:00 ಘಂಟೆಗೆ ಹಾವಂಜೆ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ಸಭಾ ಕಾರ್ಯಕ್ರಮ ವೀರೋಂಕಾ ವಂದನ್, ಪಂಚ ಪ್ರಾಣ ಶಪಥ, ವಸುಧಾ ವಂದನ್, ರಾಷ್ಟ್ರಧ್ವಜ ವಂದನ್, ಹರ್ ಘರ್ ತಿರಂಗಾ ವಿಶೇಷ ಕಾರ್ಯಕ್ರಮಗಳು ನಡೆಯಲಿವೆ. ಬೆಳಿಗ್ಗೆ 10:00 ಘಂಟೆಯಿಂದ ಶಾಲಾ ಕಾಲೇಜಿನ ವಿದ್ಯಾರ್ಥಿಗಳಿಗೆ ಭಾಷಣ ಸ್ಪರ್ಧೆ, ದೇಶಭಕ್ತಿ ಗಾಯನ, ಚಿತ್ರಕಲಾ ಸ್ಪರ್ಧೆ, ಛದ್ಮವೇಷ ಸ್ಪರ್ಧೆ ನಡೆಯಲಿದೆ ಎಂದು ಸಂಘಟಕರ ಪ್ರಕಟಣೆ ತಿಳಿಸಿದೆ.