ಬ್ರಹ್ಮಾವರ, ಜು. 30: ನೀಲಾವರದ ಸುಮೇಧ ವಿಶೇಷ ಮಕ್ಕಳ ಶಾಲೆಗೆ ರೋಟರಿ ಉಡುಪಿಯಿಂದ ಕೊಡಮಾಡಿದ ಸಮವಸ್ತ್ರವನ್ನು ಅಮೇರಿಕಾದ ಸೆಂಟ್ರಲ್ ಚೆಸ್ಟರ್ ಕೌಂಟಿಕ್ಲಬ್ ನ ವಸಂತ ಪ್ರಭು ವಿತರಿಸಿದರು. ರಾಮಚಂದ್ರ ಉಪಾಧ್ಯಾಯ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಸಮವಸ್ತ್ರ ವನ್ನು ಪ್ರಾಯೋಜಿಸಿದ ಗೋಕುಲ್ ದಾಸ ಪೈ ಮಕ್ಕಳಿಗೆ ಸಮವಸ್ತ್ರವನ್ನು ವಿತರಿಸಿ ಸಂಸ್ಥೆಯ ಉತ್ತಮ ಕಾರ್ಯವು ಮುಂದುವರಿಯಲಿ ಎಂದು ಶುಭ ಹಾರೈಸಿದರು. ವಸಂತ ಪ್ರಭು ಮಾತನಾಡಿ ಸಂಸ್ಥೆಯೊಂದಿಗಿರುವ ತಮ್ಮ ಬಾಂಧವ್ಯವನ್ನು ನೆನಪಿಸಿಕೊಂಡರು.

ರೋಟರಿ ಅಧ್ಯಕ್ಷೆ ದೀಪಾ ಭಂಡಾರಿ ಸ್ವಾಗತಿಸಿ, ಶಾಲೆಯ ಮುಖ್ಯೋಪಾಧ್ಯಾಯಿನಿ ಸುಮನಾ ಪ್ರಭು ವಂದಿಸಿದರು. ಸಂಸ್ಥೆ ಯ ಕಾರ್ಯದರ್ಶಿ ಜನಾರ್ದನ ಭಟ್ ಕಾರ್ಯಕ್ರಮ ಸಂಯೋಜಿಸಿದ್ದರು. ರೋಟರಿ ಉಡುಪಿ ಕೊಡಮಾಡಿದ ಕೈತೊಳೆಯುವ ಸಾಧನವನ್ನು ಹಸ್ತಾಂತರಿಸಲಾಯಿತು. ಗುರುರಾಜ ಭಟ್, ದಿನೇಶ ಭಂಡಾರಿ, ಗೋಪಾಲಕೃಷ್ಣ ಪ್ರಭು, ಕಾರ್ಯದರ್ಶಿ ಶುಭಾ ಬಾಸ್ರಿ, ವನಿತಾ ಉಪಾಧ್ಯಾಯ ಮುಂತಾದವರು ಉಪಸ್ಥಿತರಿದ್ದರು.