ಉಡುಪಿ, ಏ. 23: ಉಡುಪಿ ಪುತ್ತಿಗೆ ಮಠದಲ್ಲಿ ಶ್ರೀ ಸುಗುಣೇಂದ್ರ ತೀರ್ಥರ ಆದೇಶದಂತೆ ವಸಂತ ಧಾರ್ಮಿಕ ಶಿಬಿರ ಉದ್ಘಾಟನೆಗೊಂಡಿತು. ದಿವಾನರಾದ ನಾಗರಾಜ ಆಚಾರ್ಯ, ಪ್ರಸನ್ನ ಆಚಾರ್ಯ, ಹಾಗೂ ದಂಡತೀರ್ಥದ ಸೀತಾರಾಮ ಆಚಾರ್ಯ ಉಪಸ್ಥಿತರಿದ್ದರು.

ಸೀತಾರಾಮ ಆಚಾರ್ಯರಿಂದ ಪ್ರಾಯೋಜಿತಗೊಂಡ 10 ಶಿಬಿರಾರ್ಥಿಗಳಿಗೆ ಶ್ರೀಗಳವರ ಪರ್ಯಾಯದ ಬೃಹತ್ ಯೋಜನೆಯಾದ ಕೋಟಿ ಗೀತಾಲೇಖನದ ಪುಸ್ತಕವನ್ನು ವಿತರಿಸಲಾಯಿತು. ಸುಮಾರು 60 ಶಿಬಿರಾರ್ಥಿಗಳು ಭಾಗವಹಿಸಿದ್ದರು. ಶಿಬಿರದ ಸಂಚಾಲಕರಾದ ಮಹಿತೋಷ ಆಚಾರ್ಯ ಪ್ರಾಸ್ತಾವಿಕವಾಗಿ ಮಾತಾಡಿ ಸ್ವಾಗತಿಸಿದರು. ಮತ್ತೋರ್ವ ಸಂಚಾಲಕರಾದ ರಮೇಶ್ ಭಟ್ ಕೆ ಕಾರ್ಯಕ್ರಮವನ್ನು ನಿರೂಪಿಸಿ ವಂದಿಸಿದರು.