ಕಾರ್ಕಳ, ಮಾ. 23: ತಾಲೂಕಿನ ಕಾಬೆಟ್ಟು ಸರಕಾರಿ ಪ್ರೌಢಶಾಲೆಗೆ ಕ್ಯಾನಫಿನ್ ಹೋಮ್ಸ್ ಲಿಮಿಟೆಡ್ ಸಂಸ್ಥೆಯ ಕೊಡುಗೆಯಾಗಿ ಶುದ್ಧ ಕುಡಿಯುವ ನೀರಿನ ಘಟಕವನ್ನು ಹಸ್ತಾಂತರಿಸುವ ಕಾರ್ಯಕ್ರಮ ವಿಶ್ವ ಜಲ ದಿನದಂದು ನಡೆಯಿತು. ಬ್ಯಾಂಕಿನ ಉಪ ಮಹಾಪ್ರಬಂಧಕರಾದ ಪ್ರಶಾಂತ್ ಜೋಶಿ ಮಾತನಾಡಿ, ಈ ಕುಡಿಯುವ ನೀರಿನ ಘಟಕವು ಬ್ಯಾಂಕಿನ ಸಿ ಎಸ್ ಆರ್ ನಿಧಿಯ ಕೊಡುಗೆ ಆಗಿದ್ದು ಸರಕಾರಿ ಶಾಲೆಯ ಮೂಲಭೂತ ಅವಶ್ಯಕತೆಯನ್ನು ಪೂರೈಕೆ ಮಾಡುವ ಪ್ರಾಮಾಣಿಕ ಪ್ರಯತ್ನ ಮಾಡಿದ್ದೇವೆ ಎಂದರು.

ಉಡುಪಿ ಶಾಖೆಯ ಪ್ರಬಂಧಕರಾದ ರಾಮಮೋಹನ್ ಅವರು ವಿಶ್ವ ಜಲ ದಿನದ ಕೊಡುಗೆಯಾದ ಈ ಶುದ್ಧ ನೀರಿನ ಯಂತ್ರವು ಶಾಲೆಯ ವಿದ್ಯಾರ್ಥಿಗಳ ಆರೋಗ್ಯ ವೃದ್ಧಿಗೆ ಸಹಕಾರಿ ಆಗುತ್ತದೆ ಎಂದರು. ಪ್ರೌಢಶಾಲೆಯ ಮುಖ್ಯಶಿಕ್ಷಕಿ ಇಂದಿರಾ ಅವರು ಈ ಕೊಡುಗೆ ನೀಡಿದ್ದಕ್ಕೆ ಕ್ಯಾನಫಿನ್ ಹೋಮ್ಸ್ ಲಿಮಿಟೆಡ್ ಸಂಸ್ಥೆಗೆ ಮತ್ತು ಅದಕ್ಕೆ ಸಹಕಾರ ನೀಡಿದ ಚಾರ್ಟರ್ಡ್ ಅಕೌಂಟೆಂಟ್ ನಿತ್ಯಾನಂದ ಪ್ರಭು ಅವರಿಗೆ ಕೃತಜ್ಞತೆ ಸಲ್ಲಿಸಿದರು. ಶಿಕ್ಷಕರಾದ ಸುಮಾ ಮಣಿ ಮತ್ತು ಅಶೋಕ್ ಕುಮಾರ್ ಉಪಸ್ಥಿತರಿದ್ದರು.