ಕೊಲ್ಲೂರು, ಮಾ. 11: ನವಶಕ್ತಿ ಮಹಿಳಾ ವೇದಿಕೆ (ರಿ.) ಕೊಲ್ಲೂರು ವತಿಯಿಂದ ಮಹಿಳಾ ದಿನಾಚರಣೆಯ ಅಂಗವಾಗಿ ಆಶಾ ಕಾರ್ಯಕರ್ತೆಯಾಗಿ ಸೇವೆ ಸಲ್ಲಿಸುತ್ತಿರುವ ನಾಗವೇಣಿ ಮತ್ತು ಭವಾನಿ ಅವರನ್ನು ಸನ್ಮಾನಿಸಲಾಯಿತು. ಕೊರೋನಾ ವೈರಸ್ ವಿರುದ್ಧ ಪ್ರಾಥಮಿಕ ಹಂತದಲ್ಲಿ ಜನರಿಗೆ ಅರಿವು ಹಾಗೂ ಮುಂಜಾಗ್ರತೆ ಮೂಡಿಸಿ ನಮ್ಮೆಲ್ಲರ ರಕ್ಷಣೆಗಾಗಿ ಕಾರ್ಯನಿರ್ವಹಿಸಿದ್ದನ್ನು ಗುರುತಿಸಿ ಆಶಾ ಕಾರ್ಯಕರ್ತೆಯರನ್ನು ಸನ್ಮಾನಿಸಲಾಯಿತು ಎಂದು ವೇದಿಕೆಯ ಅಧ್ಯಕ್ಷೆ ಗ್ರೀಷ್ಮಾ ಗಿರಿಧರ ಭಿಡೆ ಹೇಳಿದರು.

ಉಪಾಧ್ಯಕ್ಷೆ ರತ್ನ, ಜೊತೆ ಕಾರ್ಯದರ್ಶಿ ಜಯಲಕ್ಷ್ಮಿ, ಸದಸ್ಯರಾದ ಸುಗುಣ ಸಂಗೀತ, ಮಮತಾ ಪುರಾಣಿಕ, ಅಂಬಿಕಾ, ಜಯಂತಿ ಅಡಿಗ, ಶ್ರೀಮತಿ ಉಡುಪ, ತುಂಗಾ ಇದ್ದರು. ಕಾರ್ಯದರ್ಶಿ ಜ್ಯೋತಿ ರಾಘವೇಂದ್ರ ಸ್ವಾಗತಿಸಿ, ಸುಷ್ಮಾ ವಂದಿಸಿದರು.