ಕಾಪು, ಫೆ. 18: ಕಾಪುವಿನ ಮಲ್ಲಾರು ಗ್ರಾಮದ ಕೊಪ್ಪಲಂಗಡಿಯ ಅಂಗಡಿಯೊಂದರ ಬಳಿ ದ್ವಿಚಕ್ರ ವಾಹನವನ್ನು ಪಾರ್ಕ್ ಮಾಡಿ ಖರೀದಿಗೆ ಹೋಗಿ ಬಂದಾಗ ತನ್ನ ಮೊಬೈಲ್ ನ್ನು ಸ್ಕೂಟರ್ ನ ಸೀಟಿನ ಕೆಳಗಿರುವ ಡಿಕ್ಕಿಯಲ್ಲಿ ಇಡಲು ನೋಡುವಾಗ ಚಿನ್ನದ ಸರ ಹಾಗೂ ಪೆಂಡೆಂಟ್‌ ಇಟ್ಟಿದ್ದ ಸಣ್ಣ ಪರ್ಸ್ ಕಳವಾಗಿದೆ. ಈ ಘಟನೆ ಶುಕ್ರವಾರ ಸಂಜೆ ನಡೆದಿದೆ. ಅಕ್ಕ ಪಕ್ಕದವರಲ್ಲಿ ಹಾಗೂ ಹತ್ತಿರದ ಅಂಗಡಿಯಲ್ಲಿ ವಿಚಾರಿಸಿದಾಗ ಯಾವುದೇ ಮಾಹಿತಿ ಲಭ್ಯವಾಗಿಲ್ಲ. ಸ್ಕೂಟರ್‌ನ ಸೀಟಿನ ಲಾಕ್‌ ಓಪನ್‌ ಮಾಡಿ ಒಳಗೆ ಇಟ್ಟಿದ್ದ 16 ಗ್ರಾಂ ತೂಕದ ಚಿನ್ನದ ಸರವನ್ನು ಕಳವು ಮಾಡಿಕೊಂಡು ಹೋಗಿದ್ದು ಸದ್ರಿ ಸರದ ಅಂದಾಜು ಮೌಲ್ಯ ಸುಮಾರು 48,000/- ರೂಪಾಯಿಗಳಾಗಬಹುದು. ಪೂಜಾ ಎಂಬವರು ನೀಡಿದ ದೂರಿನನ್ವಯ ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.