ಬ್ರಹ್ಮಾವರ: ಸೈಂಟ್ ಮೇರಿಸ್ ಸಿರಿಯನ್ ಕಾಲೇಜು ಬ್ರಹ್ಮಾವರದ ವಿದ್ಯಾರ್ಥಿ ಸಂಘ, ಕನ್ನಡ ವಿಭಾಗ ಮತ್ತು ನಾಟಕ ಸಂಘ ಇವರ ವತಿಯಿಂದ ಫಿಲ್ಮ್ ಮೇಕಿಂಗ್ ವಿಷಯದ ಬಗ್ಗೆ ಕಾರ್ಯಾಗಾರ ಮತ್ತು “ಮುಕ್ತ” ಕಿರುಚಿತ್ರ ಪ್ರದರ್ಶನ ಕಾಲೇಜಿನ ಮಿನಿ ಸಭಾಂಗಣದಲ್ಲಿ ನಡೆಯಿತು.

ಸಂಪನ್ಮೂಲ ವ್ಯಕ್ತಿಯಾಗಿ ನಟಿ ಮೇದಿನಿ ಕೆಳಮನೆ ಹೆಗ್ಗೋಡು ನಟನೆಯ ತರಬೇತಿ ನೀಡಿದರು. ಕಾಲೇಜಿನ ಪ್ರಾಂಶುಪಾಲರಾದ ಡಾ. ಮಂಜುನಾಥ ಉಡುಪ, ವಿದ್ಯಾರ್ಥಿ ಸಂಘದ ನಿರ್ದೇಶಕಿ ಹಾಗೂ ಕನ್ನಡ ವಿಭಾಗದ ಮುಖ್ಯಸ್ಥೆ ಡಾ. ವಿದ್ಯಾಲತಾ, ನಾಟಕ ಸಂಘದ ಅಧ್ಯಾಪಕ ಸಲಹೆಗಾರರಾದ ಮೇಧಾ ಭಟ್ ಮತ್ತು ಓ.ಎಸ್.ಸಿ.ಇ.ಎಸ್, ಬ್ರಹ್ಮಾವರದ ಕಾಲೇಜು ವಿಭಾಗದ ಕಾರ್ಯದರ್ಶಿ ಸಿರಿಲ್ ಡಿಸೋಜ ಉಪಸ್ಥಿತರಿದ್ದರು.