ಉಡುಪಿ: ಎಸ್.ಎಂ.ಎಸ್ ಪದವಿ ಕಾಲೇಜು ಬ್ರಹ್ಮಾವರದಲ್ಲಿ ಪ್ರಥಮ ಬಿ. ಕಾಂ ವ್ಯಾಸಂಗ ಮಾಡುತ್ತಿರುವ ಗ್ರಾಮೀಣ ಪ್ರತಿಭೆಯಾದ ವೈಷ್ಣವಿ ಜಿ ಸುವರ್ಣ ಇವರು ಡಿಸೆಂಬರ್ 15ರಿಂದ ಮಲೇಶ್ಯಾದಲ್ಲಿ ಜರುಗಲಿರುವ ಅಂತಾರಾಷ್ಟ್ರೀಯ ತ್ರೋಬಾಲ್ ಕ್ಲಬ್ ಚಾಂಪಿಯನ್ ಶಿಪ್ ನಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಲಿದ್ದಾರೆ.

ಇವರ ಅಂತಾರಾಷ್ಟ್ರೀಯ ಮಟ್ಟದ ಭಾಗವಹಿಸುವಿಕೆಯನ್ನು ಗುರುತಿಸಿ ಪ್ರೋತ್ಸಾಹಿಸುವ ನೆಲೆಯಲ್ಲಿ ಎಸ್.ಎಂ. ಎಸ್ ಸ್ಪೋರ್ಟ್ಸ್ ಮತ್ತು ಕಲ್ಚರಲ್ ಕ್ಲಬ್ ಬ್ರಹ್ಮಾವರ (ರಿ.) ವತಿಯಿಂದ ಅಭಿನಂದನೆಯನ್ನು ಸಲ್ಲಿಸಲಾಯಿತು.

ಓ.ಎಸ್.ಸಿ ಎಜ್ಯುಕೇಷನಲ್ ಸೊಸೈಟಿಯ ಅಧ್ಯಕ್ಷರಾದ ರೆ.ಫಾ.ಎಮ್. ಸಿ ಮಥಾಯ್ ಇವರು ವೈಷ್ಣವಿಯವರಿಗೆ ಶುಭ ಹಾರೈಸಿ 25000 ರೂ. ಕ್ರೀಡಾ ಪ್ರೋತ್ಸಾಹಧನವನ್ನು ಹಸ್ತಾಂತರಿಸಿದರು. ತನ್ನ ಕ್ರೀಡಾ ಸಾಧನೆಗಾಗಿ ಸಂಪೂರ್ಣ ಶುಲ್ಕ ವಿನಾಯತಿ ಹಾಗೂ ಉಚಿತ ಪ್ರವೇಶಾತಿ ಸೌಲಭ್ಯವನ್ನು ಇವರು ಪಡೆದಿರುತ್ತಾರೆ.