ಉಡುಪಿ: ಶ್ರೀ ಕ್ಷೇತ್ರ ಕಲ್ಯಾಣಪುರ ಶ್ರೀ ವೆಂಕಟರಮಣ ದೇವಸ್ಥಾನದ ಭಜನಾ ಸಪ್ತಾಹ ಮಹೋತ್ಸವಕ್ಕೆ ಸೋಮವಾರ ಚಾಲನೆ ನೀಡಲಾಯಿತು.

ಸಪ್ತಾಹ ಸಮಿತಿಯ ಪದಾಧಿಕಾರಿಗಳು ಸೇರಿದಂತೆ ದೇವಸ್ಥಾನದ ಆಡಳಿತ ಮಂಡಳಿಯ ಸದಸ್ಯರ ಉಪಸ್ಥಿತಿಯಲ್ಲಿ ಶ್ರೀ ದೇವರಿಗೆ ಅರ್ಚಕರಾದ ಕೆ. ಜಯದೇವ್ ಭಟ್ ಪ್ರಾರ್ಥನೆಯನ್ನು ಸಲ್ಲಿಸಿ ಮಂಗಳಾರತಿ ಬೆಳಗಿಸಿ ಚಾಲನೆಯನ್ನು ನೀಡಿದರು.

ಭಜನಾ ಸಪ್ತಾಹದ ಪ್ರಯುಕ್ತ ಶ್ರೀ ದೇವರಿಗೆ ಹಾಗೂ ದೇವಳಕ್ಕೆ ವಿಶೇಷ ಹೂವಿನ ಅಲಂಕಾರವನ್ನು ಮಾಡಲಾಗಿದೆ.

ವಿವಿಧ ಭಜನಾ ತಂಡಗಳಿಂದ ಅಹೋರಾತ್ರಿ ಭಜನಾ ಕಾರ್ಯಕ್ರಮ ಭಜನಾ ಸಪ್ತಾಹದ ಸಂದರ್ಭದಲ್ಲಿ ನಡೆಯಲಿದೆ.

ದೇವಳದ ಆಡಳಿತ ಮೊಕ್ತೇಸರರಾದ ಕೆ. ಅನಂತಪದ್ಮನಾಭ ಕಿಣಿ, ಸಪ್ತಾಹ ಸಮಿತಿಯ ಅಧ್ಯಕ್ಷರಾದ ಕೆ. ತುಳಸಿದಾಸ್ ಕಿಣಿ, ಕೆ. ಸೀತಾರಾಮ್ ಭಟ್, ಕೆ. ಶ್ರೀನಿವಾಸ ಮಲ್ಯ, ಅರವಿಂದ ಬಾಳಿಗಾ, ಕೆ. ಲಕ್ಷ್ಮೀನಾರಾಯಣ ನಾಯಕ್, ಟಿ. ಶಿವಾನಂದ ಕಿಣಿ, ಕೆ. ದತ್ತಾತ್ರೇಯ ಕಿಣಿ, ವೇದಮೂರ್ತಿ ಕೆ. ಕಾಶಿನಾಥ್ ಭಟ್, ಕೆ. ರಾಮಕೃಷ್ಣ ಕಿಣಿ, ಯು. ವಿದ್ಯಾಧರ ಕಾಮತ್, ಕೆ. ವಿನೋದ್ ಕಾಮತ್, ಕೆ. ಲಕ್ಷ್ಮೀಶ್ ಭಟ್, ರಾಮರಾಯ್ ಕಿಣಿ, ಟಿ. ಉಪೇಂದ್ರ ಕಿಣಿ, ಮಂಜುನಾಥ ಪೈ, ಡಾ. ವಿನಾಯಕ ಶೆಣೈ, ಕೆ. ಅನಂತ ಬಾಳಿಗಾ, ಸಪ್ತಾಹ ಮಹೋತ್ಸವದ ಪಾಳಿದಾರರು, ಮಹಿಳಾ ಸಮಾಜದ ಸದಸ್ಯೆಯರು ಹಾಗೂ ಸಮಾಜದ ಹಿರಿಯರು ಹಾಜರಿದ್ದರು.