ಉಡುಪಿ: ಇನ್ಸ್ಟಿಟ್ಯೂಟ್ ಆಫ್ ಕರಾಟೆ ಎಂಡ್ ಆರ್ಟ್ಸ್ ಕೊಡವೂರು ಇದರ ವತಿಯಿಂದ ನ.5 ಮತ್ತು 6 ರಂದು ರಾಷ್ಟ್ರಮಟ್ಟದ 40ನೇ ಕರಾಟೆ ಸ್ಪರ್ಧಾಕೂಟವು ಉಡುಪಿಯ ಅಮೃತ್‌ ಗಾರ್ಡನ್‌ ಸಭಾಂಗಣದಲ್ಲಿ ನಡೆಯಿತು.

ಕಟ ಮತ್ತು ಕುಮಿಟೆ ವಿಭಾಗದಲ್ಲಿ ಕರ್ನಾಟಕವನ್ನು ಪ್ರತಿನಿಧಿಸಿದ ಉಡುಪಿಯ ರಿಯಾ ಜಿ. ಶೆಟ್ಟಿ ಅವಳಿ ಚಿನ್ನದ ಪದಕ ಗೆದ್ದುಕೊಂಡಿದ್ದಾರೆ. ಟೀಮ್ ಕಟ ವಿಭಾಗದಲ್ಲಿ ಬೆಳ್ಳಿ ಪದಕ ಗೆದ್ದುಕೊಂಡಿರುವ ರಿಯಾ ಜಿ ಶೆಟ್ಟಿ ಒಳಕಾಡು ಶಾಲೆಯ 8ನೇ ತರಗತಿಯ ವಿದ್ಯಾರ್ಥಿನಿ.

ಹಾವಂಜೆ ಗ್ರಾಮದ ಕೀಳಂಜೆಯ ಛಾಯಾಗ್ರಾಹಕ ಗಣೇಶ್ ಶೆಟ್ಟಿ ಕೀಳಂಜೆ ಹಾಗೂ ಜಯಲಕ್ಷ್ಮಿ ಜಿ. ಶೆಟ್ಟಿಯವರ ಪುತ್ರಿ ರಿಯಾ, ಅಂತಾರಾಷ್ಟ್ರೀಯ ಮಟ್ಟದ ಕರಾಟೆ ಪಟು ಶಿಕ್ಷಕಿ ಪ್ರವೀಣ ಪರ್ಕಳ ಅವರ ಶಿಷ್ಯಯಾಗಿದ್ದು. ಪರ್ಕಳ ಪಿ.ಕೆ.ಸಿ ತಂಡದ ಸದಸ್ಯೆಯಾಗಿದ್ದಾರೆ.