ಉಡುಪಿ: ಭಜನಾ ಮಂಡಳಿಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದ ಸಂಘಟಕ, ಸಮಾಜ ಸೇವಕ ಮುಲ್ಕಿ ಸುರೇಶ್ ಎಸ್. ಭಟ್ ಅವರು ಇಂದು ನಿಧನರಾದರು. ಅವರಿಗೆ 87 ವರ್ಷ ವಯಸ್ಸಾಗಿತ್ತು.

ಡಿಸೆಂಬರ್ 8, 1935 ರಲ್ಲಿ ಹುಟ್ಟಿದ ಅವರು, ಮೆಡಿಕಲ್ ಬುಕ್ ಸ್ಟಾಲ್ ಆರಂಭಿಸಿ ಬಳಿಕ ಕೆ.ಎಂ.ಸಿ ಯಲ್ಲಿ ಅಕೌಂಟೆಂಟ್ ಆಗಿ ಸೇವೆ ಸಲ್ಲಿಸಿದರು.

ನಿವೃತ್ತಿಯ ಬಳಿಕ ಸ್ವರ್ಣೋದ್ಯಮದಲ್ಲಿ ಸೂಪರ್ವೈಸರ್ ಆಗಿದ್ದ ಸುರೇಶ್ ಭಟ್ ಅವರು ಹಲವಾರು ಭಜನಾ ಮಂಡಳಿಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿದ್ದರು.

ಜಿಲ್ಲೆಯ ಹಲವೆಡೆ ಧಾರ್ಮಿಕ ಮತ್ತು ಸಾಮಾಜಿಕ ಕಾರ್ಯಗಳಲ್ಲಿ ಸಂಪೂರ್ಣವಾಗಿ ತೊಡಗಿಸಿಕೊಂಡಿದ್ದ ಇವರು ಪತ್ನಿ ಮಂದಾಕಿನಿ ಭಟ್, ಮೂವರು ಪುತ್ರರು ಹಾಗೂ ಬಂಧು ಬಳಗವನ್ನು ಅಗಲಿದ್ದಾರೆ.