ಸಿಡ್ನಿ: ಆಸ್ಟ್ರೇಲಿಯಾದ ಸಿಡ್ನಿ ನಗರದಲ್ಲಿರುವ ಶ್ರೀ ಪುತ್ತಿಗೆ ಮಠಕ್ಕೆ ಭೇಟಿ ನೀಡಿದ ಸುದ್ಧಿ ನಿರೂಪಕರಾದ ರಂಗನಾಥ ಭಾರಧ್ವಜ್ ಅವರ ಪತ್ನಿ ರಾಧಿಕ ಭಾರಧ್ವಜ್ ಕೋಟಿ ಗೀತಾ ಲೇಖನ ಯಜ್ಞದಲ್ಲಿ ಪಾಲ್ಗೊಂಡು, ಭಕ್ತ ಜನರೆಲ್ಲ ಭಾಗವಹಿಸಬೇಕೆಂಬುದಾಗಿ ಕರೆಯಿತ್ತರು.

ಪ್ರಸಾದವನ್ನು ಸ್ವೀಕರಿಸಿದ ಅವರು ದೇಶ ವಿದೇಶಗಳಲ್ಲಿ ಪುತ್ತಿಗೆ ಶ್ರೀಗಳ ಧರ್ಮ ಪ್ರಚಾರ ಹಾಗೂ ಶ್ರೀಗಳ ಕಾರ್ಯಗಳನ್ನು ತಿಳಿದು ಸಂತೋಷ ವ್ಯಕ್ತಪಡಿಸಿದರು. ಜೊತೆಗೆ ಆಗಮಿಸಿದ ಪ್ರಸಿದ್ಧ ವಾಣಿಜ್ಯ ಉದ್ಯಮಿಗಳಾದ ಕೃಷ್ಣ ಹಾಗೂ ಧರ್ಮಪತ್ನಿ ಸುಮಾ, ಮತ್ತು ಉಮಾಶಂಕರ್ ಹಾಗೂ ಪತ್ನಿ ಚೇತನಾ ಅವರು ಉಪಸ್ಥಿತರಿದ್ದು ಭಗವದ್ಗೀತಾ ಲೇಖನ ಯಜ್ಞ ದೀಕ್ಷೆ ಪಡೆದುಕೊಂಡು, ಶ್ರೀಗಳ ಸಂಕಲ್ಪಕ್ಕೆ ಕೈ ಜೋಡಿಸಿ ಕೃಷ್ಣನ ಹಾಗೂ ಗುರುಗಳ ಅನುಗ್ರಹಕ್ಕೆ ಪಾತ್ರರಾಗುಂತೆ ಕರೆಯಿತ್ತರು.