ಬ್ರಹ್ಮಾವರ: ಉಚಿತವಾಗಿ ಭಜನಾ ತರಬೇತಿ ನೀಡುತ್ತಿರುವ ಉಪನ್ಯಾಸಕ, ಭಜನಾ ತರಬೇತುದಾರರಾಗಿರುವ ಗಣೇಶ್ ದೇವಾಡಿಗ ಅವರನ್ನು ಕೊಡ್ಲಿ ಶ್ರೀ ದುರ್ಗಾಂಬ ಗದ್ದುಗೆ ಅಮ್ಮನವರ ದೇವಸ್ಥಾನದ ಸಪ್ತಮ ವರ್ಧಂತ್ಯುತ್ಸವದ ಧರ್ಮಿಕ ಸಭೆಯಲ್ಲಿ ಸನ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ಆಡಳಿತ ಮಂಡಳಿ ಅಧ್ಯಕ್ಷ ಅಖಿಲೇಶ್ ಕೃಷ್ಣ ನಾಯಕ್, ಆರ್.ಎಸ್.ಎಸ್. ಜಿಲ್ಲಾ ಸಂಘ ಚಾಲಕ ಡಾ. ನಾರಾಯಣ ಶೆಣೈ, ದಿಲೇಶ್ ಶೆಟ್ಟಿ ಬೆಳ್ಳಂಪಳ್ಳಿ, ಕೊಡ್ಲಿ ಶ್ರೀನಿವಾಸ ಉಡುಪ, ಆನಂದ ಸುವರ್ಣ, ಕೆ. ಚರಡ ನಾಯ್ಕ್, ಉದಯ ನಾಯ್ಕ, ಬಿ. ಸೀತಾರಾಮ ಶೆಟ್ಟಿ, ಶಾರದಾ ವಿ ನಾಯ್ಕ, ಕೆನರಾ ಬ್ಯಾಂಕ್ ಸಹಾಯಕ ಮಹಾಪ್ರಬಂಧಕ ರಾಮ ನಾಯ್ಕ, ಟ್ರಸ್ಟ್ ಕಾರ್ಯದರ್ಶಿ ಕೆ. ಬಾಬು ನಾಯ್ಕ, ಶಂಕರ ನಾಯ್ಕ ಕೊಡ್ಲಿ, ಕೆ. ಜಗನ್ನಾಥ ನಾಯ್ಕ ಮುಂತಾದವರು ಉಪಸ್ಥಿತರಿದ್ದರು.