ಉಡುಪಿ: ರೋಟರಿ ಉಡುಪಿ ವತಿಯಿಂದ ಕಡಿಯಾಳಿ ಹೈಸ್ಕೂಲ್, ಸೌತ್ ಸರಕಾರಿ ಹೈಸ್ಕೂಲ್, ಬೋರ್ಡ್ ಹೈಸ್ಕೂಲ್ ಮತ್ತು ಮಲ್ಪೆಯ ಸರಕಾರಿ ಹೈಸ್ಕೂಲ್ ಪರೀಕ್ಷಾ ಕೇಂದ್ರಗಳಲ್ಲಿ ಎಸ್.ಎಸ್.ಎಲ್.ಸಿ ಪರೀಕ್ಷೆ ಬರೆಯಲು ಬಂದ ವಿದ್ಯಾರ್ಥಿಗಳಿಗೆ ಲಘು ಉಪಹಾರ ವಿತರಿಸಲಾಯಿತು.

ರೋಟರಿ ಅಧ್ಯಕ್ಷ ಹೇಮಂತ್, ಸಹಾಯಕ ಗವರ್ನರ್ ಡಾ.ಸುರೇಶ್ ಶೆಣೈ, ಕಾರ್ಯದರ್ಶಿ ಗೋಪಾಲಕೃಷ್ಣ ಪ್ರಭು, ಸಮಾಜಸೇವಾ ನಿರ್ದೇಶಕ ರಾಮಚಂದ್ರ ಉಪಾಧ್ಯಾಯ, ಗುರುರಾಜ ಭಟ್ ಮತ್ತು ಅನಂತರಾಮ ಬಲ್ಲಾಳ್ ಉಪಸ್ಥಿತರಿದ್ದರು. ಶಾಲಾ ಮುಖ್ಯಸ್ಥರುಗಳಾದ ಗಣೇಶಮೂರ್ತಿ ಹೆಬ್ಬಾರ್, ಸಂಧ್ಯಾ ಪ್ರಭು, ನಿರ್ಮಲಾ ರಾವ್, ಸುರೇಶ್ ಭಟ್ ಮತ್ತಿತರರು ಉಪಹಾರ ನೀಡಿದ ರೋಟರಿ ಉಡುಪಿಗೆ ಕೃತಜ್ಞತೆ ಅರ್ಪಿಸಿದರು.