ಉಡುಪಿ: ಖ್ಯಾತ ಕಲಾವಿದೆ ಅಮೃತಾ ರವಿಕಿರಣ ಅವರಿಂದ ಜಾನಪದ ಸಂಗೀತ ಕಛೇರಿಯು ಮಣಿಪಾಲದ ಹೋಟೆಲ್ ಮಧುವನ್ ಸೆರಾಯ್‌ನಲ್ಲಿ ಡಿಸೆಂಬರ್ 22 ರಂದು ಸಂಜೆ 6.30 ಕ್ಕೆ ನಡೆಯಲಿದೆ. ಕರ್ನಾಟಕ ಶಾಸ್ತ್ರೀಯ ಗಾಯಕರಾಗಿರುವ ಅಮೃತಾ ಅವರು ಪ್ರಸ್ತುತ ಉತ್ತರ ಐರ್ಲೆಂಡ್‌ನಲ್ಲಿ ನೆಲೆಸಿದ್ದಾರೆ.

ಈ ಸಂಗೀತ ಕಾರ್ಯಕ್ರಮವನ್ನು ಸಂಗೀತ ಸಭಾ, ಉಡುಪಿ ಮತ್ತು ಗಾಂಧಿಯನ್ ಸೆಂಟರ್ ಫಾರ್ ಫಿಲಾಸಫಿಕಲ್ ಆರ್ಟ್ಸ್ ಅಂಡ್ ಸೈನ್ಸಸ್, ಮಾಹೆ ಜಂಟಿಯಾಗಿ ಆಯೋಜಿಸುತ್ತಿದ್ದು, ಮಣಿಪಾಲದ ಹೋಟೆಲ್ ಮಧುವನ್ ಸೆರಾಯ್ ನ ಮೊದಲ ಮಹಡಿಯಲ್ಲಿರುವ ಮೈತ್ರಿ ಸಭಾಂಗಣದಲ್ಲಿ ಕಾರ್ಯಕ್ರಮ ನಡೆಯಲಿದೆ ಎಂದು ಸಂಗೀತ ಸಭಾದ ಅಧ್ಯಕ್ಷರಾದ ಪ್ರೊ. ರಂಗ ಪೈ ತಿಳಿಸಿದ್ದಾರೆ.

ಕಲಾವಿದೆ ಅಮೃತಾ ರವಿಕಿರಣ ಅವರು ಈ ಹಿಂದೆ ಭಾರತ ಮತ್ತು ಐರ್ಲೆಂಡ್‌ನಲ್ಲಿ, ಬಿಬಿಸಿ ಸೇರಿದಂತೆ ವಿವಿಧ ರೇಡಿಯೋ ಮತ್ತು ದೂರದರ್ಶನ ಚಾನೆಲ್‌ಗಳಿಗಾಗಿ ಪ್ರದರ್ಶನ ನೀಡಿದ್ದಾರೆ. ಉಚಿತ ಪ್ರವೇಶ ಪಾಸ್‌ಗಳಿಗಾಗಿ ಸಂಪರ್ಕಿಸಿ- 9845242110