ಪ್ರತೀ ಆರು ತಿಂಗಳಿಗೊಮ್ಮೆ ಸೂರ್ಯ ಹಾಗೂ ಚಂದ್ರನ ಗ್ರಹಣಗಳು ಸಂಭವಿಸುತ್ತವೆ. ಈ ವರ್ಷವೂ ಮೂರು ಗ್ರಹಣಗಳು ಸಂಭವಿಸಲಿವೆ. ಆದರೆ ಅವು ಮೂರೂ ಭಾರತದಲ್ಲಿ ಗೋಚರಿಸುವುದಿಲ್ಲ. ಅದೆಲ್ಲವೂ ಅಮೇರಿಕನ್ನರಿಗೆ. ಅವರ ಲಕ್, ಅವರಿಗೆ ಅಪರೂಪದ ಎರಡು ಸೂರ್ಯಗ್ರಹಣಗಳು ಹಾಗೂ ಒಂದು ಚಂದ್ರಗ್ರಹಣ ಗೋಚರಿಸಲಿವೆ.

ಏಪ್ರಿಲ್ 8 ಕ್ಕೆ ಖಗ್ರಾಸ ಸೂರ್ಯಗ್ರಹಣ, ಅಕ್ಟೋಬರ್ 2 ಕ್ಕೆ ಕಂಕಣ ಸೂರ್ಯಗ್ರಹಣ, ಸೆಪ್ಟೆಂಬರ್‌ 17 ಕ್ಕೆ ಪಾರ್ಶ್ವ ಚಂದ್ರಗ್ರಹಣ. ಇವೆಲ್ಲವೂ ಅಮೇರಿಕಾ ಹಾಗೂ ಆಸು ಪಾಸು ದೇಶಗಳಿಗೆ ಮಾತ್ರ.

ನಾಲ್ಕು ಸೂಪರ್ ಮೂನ್: ಈ ವರ್ಷ ನಾಲ್ಕು ಸೂಪರ್ ಮೂನ್ ಗಳು ಕಾಣಲು ಸಿಗಲಿವೆ. ಆಗಸ್ಟ್ 19, ಸೆಪ್ಟೆಂಬರ್ 18, ಅಕ್ಟೋಬರ್ 17, ಹಾಗೂ ನವೆಂಬರ್ 15. 28 ದಿನಗಳಿಗೊಮ್ಮೆ ದೀರ್ಘವೃತ್ತಾಕಾರದಲ್ಲಿ ಭೂಮಿಯನ್ನು ಸುತ್ತುವ ಚಂದ್ರ ಒಮ್ಮೆ ಎಪೊಜಿ (ಸಮೀಪದ ದೂರ) ಬರುವುದಿದೆ. ಆ ದಿನ ಹುಣ್ಣಿಮೆಯಾದರೆ ಚಂದ್ರ ಮಾಮೂಲಿಗಿಂತ ಸುಮಾರು 14 ಅಂಶ ದೊಡ್ಡದಾಗಿ ಕಂಡು 24 ಅಂಶ ಹುಣ್ಣಿಮೆ ಪ್ರಭೆ ಹೆಚ್ಚು ಇದನ್ನು ಸೂಪರ್ ಮೂನ್ ಎನ್ನುವರು. ಚಂದ್ರ ಭೂಮಿಯ ಸರಾಸರಿ ದೂರ ಸುಮಾರು 3 ಲಕ್ಷದ 84 ಸಾವಿರದ 400 ಕಿಮೀ. ಆದರೆ ಈ ಸೂಪರ್ ಮೂನ್ ಗಳಲ್ಲಿ ಸುಮಾರು 3 ಲಕ್ಷದ 56 ಸಾವಿರ ಕಿಮೀ ಆಸುಪಾಸು ಬರುವುದಿದೆ. ಅಂದರೆ ಸುಮಾರು 28 ಸಾವಿರ ಕಿಮೀ ಭೂಮಿಗೆ ಚಂದ್ರ ಹತ್ತಿರ ಬರುತ್ತದೆ. ಹಾಗಾಗಿ ಸೂಪರ್ ಮೂನ್ಗಳಲ್ಲಿ ಚಂದ್ರನ ಪ್ರಭೆ ಹೆಚ್ಚು. ಈ ವರ್ಷ ಆಗಸ್ಟ್ 19 ರಂದು 3,61,970 ಕಿಮೀ, ಸೆಪ್ಟೆಂಬರ್ 18 ರಂದು 3,57,486 ಕಿಮೀ, ಅಕ್ಟೋಬರ್ 17 ರಂದು 3,57,364 ಕಿಮೀ ಹಾಗೂ ನವೆಂಬರ್ 15 ರಂದು 3,61,867 ಕಿಮೀ ಗಳು.

– ಡಾ. ಎ.ಪಿ. ಭಟ್, ಉಡುಪಿ.