ಕಾರ್ಕಳ: ರೋಟರಿ ವಲಯದ ಸಾಂಸ್ಕೃತಿಕ ಕಾರ್ಯಕ್ರಮ ಕಲಾವೈಭವ-2021 ಶಂಕರಪುರ ರೋಟರಿಯ ಆತಿಥ್ಯದಲ್ಲಿ ನಡೆಯಿತು. ಕಾರ್ಯಕ್ರಮದ ಸರ್ವಶ್ರೇಷ್ಠ ತಂಡ ಪ್ರಶಸ್ತಿಯನ್ನು ರೋಟರಿ ಕಾರ್ಕಳ ಪಡೆಯಿತು. ಶಿವಕುಮಾರ್ ಅವರು ಏಕವ್ಯಕ್ತಿ ಜಾನಪದ ಗೀತೆಯಲ್ಲಿ ಪ್ರಥಮ, ಸಮೂಹ ಗಾಯನದಲ್ಲಿ ಪ್ರಥಮ, ಸಮೂಹ ಜಾನಪದ ನೃತ್ಯ ಪ್ರಥಮ, ಏಕವ್ಯಕ್ತಿ ನೃತ್ಯದಲ್ಲಿ ರಮಿತಾ ಶೈಲೆಂದ್ರ ದ್ವಿತೀಯ, ಕಿರು ಪ್ರಹಸನದಲ್ಲಿ ದ್ವಿತೀಯ ಪ್ರಶಸ್ತಿಯನ್ನು ರೋಟರಿ ಕಾರ್ಕಳ ತಂಡಕ್ಕೆ ಲಭಿಸಿತು.

ಮಾಜಿ ಜಿಲ್ಲಾ ಗವರ್ನರ್ ಡಾ. ಭರತೇಶ್ ಅಧಿರಾಜ್ ಪ್ರಶಸ್ತಿಯನ್ನು ರೋಟರಿ ಕಾರ್ಕಳ ಅಧ್ಯಕ್ಷ ಸುರೇಶ್ ನಾಯಕ್ ಅವರಿಗೆ ಹಸ್ತಾಂತರಿಸಿದರು. ಸಹಾಯಕ ಗವರ್ನರ್ ಅರುಣ ಹೆಗ್ಡೆ ಮುಂತಾದವರು ಉಪಸ್ಥಿತರಿದ್ದರು.