ನವದೆಹಲಿ, ಮೇ 29: ಭಾರತದ ಪರ್ವತಾರೋಹಿ ಸತ್ಯದೀಪ್ ಗುಪ್ತಾ ಒಂದು ಋತುವಿನಲ್ಲಿ ಎರಡು ಬಾರಿ ಮೌಂಟ್ ಎವರೆಸ್ಟ್ ಮತ್ತು ಮೌಂಟ್ ಲೋತ್ಸೆಯನ್ನು ಏರಿದ ಮೊದಲ ವ್ಯಕ್ತಿಯಾಗುವ ಮೂಲಕ ಇತಿಹಾಸವನ್ನು ಬರೆದಿದ್ದಾರೆ. ಮೌಂಟ್ ಎವರೆಸ್ಟ್ ನಿಂದ ಮೌಂಟ್ ಲೊಟ್ಸೆಗೆ 11 ಗಂಟೆ 15 ನಿಮಿಷಗಳಲ್ಲಿ ಕ್ರಮಿಸಿದ ಮೊದಲ ಭಾರತೀಯ ಎಂಬ ದಾಖಲೆಯನ್ನೂ ಅವರು ನಿರ್ಮಿಸಿದ್ದಾರೆ. ಸಂಘಟಕರ ಪ್ರಕಾರ, ಗುಪ್ತಾ ಸೋಮವಾರ ಮಧ್ಯಾಹ್ನ 8,516 ಮೀಟರ್ ಎತ್ತರದ ಲೊಟ್ಸೆಯನ್ನು ಏರಿ, ನಂತರ ಮಧ್ಯರಾತ್ರಿ 12:45 ಕ್ಕೆ 8,849 ಮೀಟರ್ ಎತ್ತರದ ಮೌಂಟ್ ಎವರೆಸ್ಟ್‌ ಏರಿದರು. ಅವರ ಜೊತೆಯಲ್ಲಿ ಕ್ಲೈಂಬಿಂಗ್ ಗೈಡ್‌ಗಳಾದ ಪಾಸ್ತೆಂಬಾ ಶೆರ್ಪಾ ಮತ್ತು ನಿಮಾ ಉಂಗ್ಡಿ ಶೆರ್ಪಾ ಇದ್ದರು. ಗುಪ್ತಾ ಈ ಹಿಂದೆ ಮೇ 21 ರಂದು ಮೌಂಟ್ ಎವರೆಸ್ಟ್ ಮತ್ತು ಮೇ 22 ರಂದು ಮೌಂಟ್ ಲೋತ್ಸೆಯನ್ನು ಏರಿದ್ದರು.