ನವದೆಹಲಿ: ಚಳಿಗಾಲದ ಅಧಿವೇಶನ ನಡೆಯುತ್ತಿದ್ದರೂ ’ಚಕ್ಕರ್’ ಹಾಕುತ್ತಿದ್ದ ಕೆಲವು ಬಿಜೆಪಿ ಸಂಸದರಿಗೆ ಪ್ರಧಾನಿ ನರೇಂದ್ರ ಮೋದಿ ’ಚಳಿ’ ಬಿಡಿಸಿದ್ದಾರೆ. ಮೂಲಗಳ ಪ್ರಕಾರ ಇಂದು ನಡೆದ ಸಂಸದೀಯ ಸಭೆಯಲ್ಲಿ, ಅಧಿವೇಶನದಲ್ಲಿ ಬಿಜೆಪಿ ಸಂಸದರ ಗೈರು ಹಾಜರಾತಿಯ ಬಗ್ಗೆ ಪ್ರಧಾನಿ ಖಡಕ್ ಸಂದೇಶ ರವಾನಿಸಿದ್ದಾರೆ.

ಗೈರು ಹಾಜರಾಗದೆ ನಿರಂತರವಾಗಿ ಅಧಿವೇಶನಗಳಿಗೆ ಹಾಜರಾಗಿ, ಇಲ್ಲದಿದ್ದರೆ ಯಾವುದೇ ಸಂದರ್ಭದಲ್ಲಿ ’ಬದಲಾವಣೆ’ ಆಗಬಹುದು ಎಂದು ಹೇಳುವ ಮೂಲಕ ಆಗಾಗ್ಗೆ ಗೈರಾಗುತ್ತಿದ್ದ ಸಂಸದರ ಚಳಿ ಬಿಡಿಸಿದ್ದಾರೆ.

ಅಧಿವೇಶನಕ್ಕೆ ಸರಿಯಾಗಿ ಹಾಜರಾಗಿ ಎಂದು ಹಲವಾರು ಬಾರಿ ಹೇಳಿದ್ದೇನೆ. ನೀವೆಲ್ಲಾ ಸಂಸದರು, ಸಣ್ಣ ಮಕ್ಕಳಲ್ಲ ಎಂದು ಪ್ರಧಾನಿ ಮಾತಿನ ಛಾಟಿ ಬೀಸಿದ್ದಾರೆ.