ನವದೆಹಲಿ, ಸೆ.17: ಪ್ರಧಾನಿ ನರೇಂದ್ರ ಮೋದಿ ಅವರು ಸ್ವೀಕರಿಸಿದ ಉಡುಗೊರೆಗಳ ಇ-ಹರಾಜು ಇಂದು (ಮಂಗಳವಾರ) ಆರಂಭವಾಗಿದೆ. ಕೇಂದ್ರ ಸಂಸ್ಕೃತಿ ಸಚಿವ ಗಜೇಂದ್ರ ಸಿಂಗ್ ಶೇಖಾವತ್ ಅವರು ಇ-ಹರಾಜಿನಲ್ಲಿ ಭಾಗವಹಿಸುವಂತೆ ಜನರನ್ನು ವಿನಂತಿಸಿದ್ದಾರೆ. ಹಾರಜಿನಿಂದ ಬಂದ ಹಣವನ್ನು ನಮಾಮಿ ಗಂಗೆ ನಿಧಿಗೆ ಕೊಡುಗೆ ನೀಡಲಾಗುವುದು. ಈ ವರ್ಷ ಆರನೇ ಕಂತು ಹರಾಜಾಗಿದೆ ಎಂದು ಅವರು ಹೇಳಿದರು. ಇದನ್ನು ಆರಂಭದಲ್ಲಿ 2019 ರಲ್ಲಿ ಪ್ರಾರಂಭಿಸಲಾಯಿತು.

ಜನರು ಇಂದಿನಿಂದ ತಮ್ಮ ನೆಚ್ಚಿನ ಸ್ಮರಣಿಕೆಯನ್ನು ಬಿಡ್ ಮಾಡಬಹುದು. ಆನ್‌ಲೈನ್ ಹರಾಜು ಅಕ್ಟೋಬರ್ 2ರವರೆಗೆ ಮುಂದುವರಿಯಲಿದೆ. ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಲು ಆಸಕ್ತಿ ಹೊಂದಿರುವ ವ್ಯಕ್ತಿಗಳು ಅಧಿಕೃತ ವೆಬ್‌ಸೈಟ್ https://pmmementos.gov.in ಮೂಲಕ ನೋಂದಾಯಿಸಿಕೊಳ್ಳಬಹುದು ಮತ್ತು ಭಾಗವಹಿಸಬಹುದು. ಈ ವರ್ಷ ಸುಮಾರು ಆರುನೂರು ಸ್ಮರಣಿಕೆಗಳನ್ನು ಹರಾಜಿಗಾಗಿ ಪ್ರದರ್ಶಿಸಲಾಗಿದೆ, ಇದರಲ್ಲಿ ವಿಶಿಷ್ಟ ಕಲಾಕೃತಿಗಳು, ಸೂಕ್ಷ್ಮವಾಗಿ ರಚಿಸಲಾದ ದೇವಾಲಯದ ಮಾದರಿಗಳು, ಹಿಂದೂ ದೇವತೆಗಳು ಮತ್ತು ಪ್ಯಾರಾಲಿಂಪಿಯನ್‌ ಪದಕ ವಿಜೇತರು ಪ್ರಧಾನಿಯವರಿಗೆ ತಮ್ಮ ಹಸ್ತಾಕ್ಷರ ಸಹಿತ ನೀಡಿದ ವಿವಿಧ ವಸ್ತುಗಳು ಸೇರಿವೆ ಪಾದರಕ್ಷೆಗಳು ಸೇರಿವೆ.