ಬೆಂಗಳೂರು: ಎಸ್.ಎಸ್.ಎಲ್.ಸಿ ಪರೀಕ್ಷೆಯಲ್ಲಿ ಕನ್ನಡದ ಕಿರುತೆರೆಯ ಗಟ್ಟಿಮೇಳ ಸೀರಿಯಲ್ ಹಾಗೂ ಡ್ರಾಮಾ ಜೂನಿಯರ್ಸ್ ಖ್ಯಾತಿಯ ಕಿರುತೆರೆ ನಟಿ ಮಹತಿ ವೈಷ್ಣವಿ ಭಟ್ ಉತ್ತಮ ಅಂಕಗಳನ್ನು ಪಡೆದಿದ್ದಾರೆ.

625 ಕ್ಕೆ 619 ಅಂಕಗಳನ್ನು ಅಂದರೆ ಶೇ. 99.04 ಅಂಕಗಳನ್ನು ಗಳಿಸಿರುವ ಮಹತಿ ವೈಷ್ಣವಿ ಅವರಿಗೆ ಕನ್ನಡದಲ್ಲಿ 124, ಇಂಗ್ಲೀಷ್ 100, ಹಿಂದಿ 99, ಗಣಿತ 100, ವಿಜ್ಞಾನ 97, ಸಮಾಜ ವಿಜ್ಞಾನದಲ್ಲಿ 99 ಅಂಕಗಳು ಲಭಿಸಿದೆ.

ಫಲಿತಾಂಶ ನೋಡಿ ಸಂತೋಷವಾಯಿತು. ನಟನೆ ಹಾಗೂ ಅಧ್ಯಯನಕ್ಕೆ ಸಹಕರಿಸಿದ ನನ್ನ ಕುಟುಂಬದ ಸದಸ್ಯರು, ಶಾಲೆಯ ಶಿಕ್ಷಕ ವೃಂದ, ಜೀ ವಾಹಿನಿ, ಗಟ್ಟಿಮೇಳ ತಂಡಕ್ಕೆ ಧನ್ಯವಾದಗಳು ಎಂದು ಮಹತಿ ವೈಷ್ಣವಿ ಭಟ್ ಹೇಳಿದ್ದಾರೆ.