ಬೆಳಗಾವಿ, ಡಿ.2: ಬೈಲಹೊಂಗಲ ತಾಲೂಕಿನ ಉಡಕೇರಿ ಗ್ರಾಮದಲ್ಲಿ ಕಬ್ಬಿನ ತೋಟದಲ್ಲಿ ಬೆಂಕಿ ಅನಾಹುತ ಜರುಗಿದ ಸ್ಥಳಕ್ಕೆ ಮಾಜಿ ಮುಖ್ಯಮಂತ್ರಿ ಜಗದೀಶ್ ಶೆಟ್ಟರ್ ಭೇಟಿ ನೀಡಿ, ಹೆಸ್ಕಾಂ ಅಧಿಕಾರಿಗಳಿಂದ ಘಟನೆಯ ಕುರಿತು ಮಾಹಿತಿ ಪಡೆದು, ಸೂಕ್ತ ಪರಿಹಾರ ಒದಗಿಸಲು ಹಾಗೂ ಮುಂದೆ ಇಂತಹ ಘಟನೆಗಳು ಮರುಕಳಿಸದಂತೆ ಅಗತ್ಯ ಕ್ರಮ ಕೈಗೊಳ್ಳುವಂತೆ ಸೂಚಿಸಿದರು.

ಮಾಜಿ ಶಾಸಕರಾದ ಡಾ. ವ್ಹಿ.ಐ ಪಾಟೀಲ, ಮಹಾಂತೇಶ್ ದೊಡಗೌಡರ, ಬೈಲಹೊಂಗಲದ ಸಹಾಯಕ ಆಯುಕ್ತರಾದ ಪ್ರಭಾವತಿ ಫಕೀರಪುರ, ಶಂಕರಣ್ಣ ಮಾಡಲಗಿ ಜೆಡಿಎಸ್ ಜಿಲ್ಲಾದ್ಧಕ್ಷರು ನಿಂಗಪ್ಪ ಚೌಡಣ್ಣವರ್, ಗುರು ಮೆಟಗುಡ, ಗುರುಪಾದ ಕಳ್ಳಿ, ಉದಯ ಕೋಟಬಾಗಿ, ಮಡಿವಾಳಪ್ಪ ಬೀದರಗಡ್ಡಿ, ಸುಭಾಷ್ ತುರಮರಿ ಬಿಜೆಪಿ ಮಂಡಲ ಅಧ್ಯಕ್ಷರಾದ ಲಕಪ್ಪ ಕಾರಗಿ, ಶ್ರೀಶೈಲ ಯಡಹಳ್ಳಿ, ಎಫ್.ಎಸ್ ಸಿದ್ದನಗೌಡರ, ಸಂತೋಷ ಹಡಪದ, ಗ್ರಾಮದ ಹಿರಿಯರು, ಗ್ರಾಮ ಪಂಚಾಯತಿ ಸದಸ್ಯರು, ಹೆಸ್ಕಾಂ ಅಧಿಕಾರಿಗಳು ಮುಂತಾದವರು ಉಪಸ್ಥಿತರಿದ್ದರು.