ಮಂಗಳೂರು: ಆಜಾದಿ ಕಾ ಅಮೃತ ಮಹೋತ್ಸವದ ಅಂಗವಾಗಿ ರಥಬೀದಿ ಕಾಲೇಜಿನ ಹಾಗೂ ಇತರ ಪ್ರತಿಭಾನ್ವಿತರ ಬಳಗದ ವತಿಯಿಂದ ‘ವಿಶ್ವ ಗುರು ಭಾರತ’ ಹೊಸ ದೇಶಭಕ್ತಿ ಗೀತೆ ತುಷಾರ್ ಕೆ ಕೋಟೆಕಾರ್ ಅವರ ಯುಟ್ಯೂಬ್ ಚಾನಲ್ನಲ್ಲಿ ಬಿಡುಗಡೆಯಾಯಿತು.

ಬಿಡುಗಡೆಯ ಕಾರ್ಯಕ್ರಮ ರಥಬೀದಿಯ ಡಾ.ಪಿ. ದಯಾನಂದ ಪೈ ಪಿ.ಸತೀಶ ಪೈ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಸಭಾಂಗಣದಲ್ಲಿ ನಡೆಯಿತು. ನಿವೃತ್ತ ಮುಖ್ಯೋಪಾದ್ಯಾಯ ನಾರಾಯಣ ನಾಯಕರವರು ಬಿಡುಗಡೆಗೊಳಿಸಿದರು.

ಡಾ. ಪಿ. ದಯಾನಂದ ಪೈ- ಪಿ. ಸತೀಶ ಪೈ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ಪ್ರಾಂಶುಪಾಲರಾದ ಡಾ. ಜಯಕರ ಭಂಡಾರಿ, ಗಾಯಕರು ಹಾಗೂ ಎ.ಎಸ್.ಐ ಸುಬ್ರಾಯ ಕಲ್ಪನೆ, ನಿವೃತ್ತ ಯೋಧರು ಹಾಗೂ ಪ್ರಾಧ್ಯಾಪಕರಾದ ಜೆಫ್ರಿ ರೊಡ್ರಿಗಸ್, ಪ್ರಾಧ್ಯಾಪಕರುಗಳಾದ ಪ್ರೊ. ವಸಂತಿ, ಡಾ. ನವೀನ್ ಕೊಣಾಜೆ, ಪ್ರೊ. ದೇವಿಪ್ರಸಾದ್, ಗೀತೆ ರಚನೆಕಾರ ತುಷಾರ್ ಕೆ ಕೋಟೆಕಾರ್, ಸಮಗ್ರ ನಿರ್ವಹಣೆ ಮಾಡಿದ ಧೀರಜ್ ಕುಮಾರ್ ಉಳ್ಳಾಲ, ಪೋಸ್ಟರ್ ವಿನ್ಯಾಸಗೊಳಿಸಿದ ಬಿ. ಗೋಪೀನಾಥ ಬಾಳಿಗ ಮತ್ತಿತರರು ಉಪಸ್ಥಿತರಿದ್ದರು.

ತುಷಾರ್ ಕೆ ಕೋಟೆಕಾರ್ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಧೀರಜ್ ಕುಮಾರ್ ಉಳ್ಳಾಲ್ ವಂದಿಸಿದರು. ಪ್ರಭಾಕರ ಆಚಾರ್ಯ ನಿರೂಪಿಸಿದರು.