ಹೊಸಂಗಡಿ: ಶಿವಮೊಗ್ಗದ ಕಡೆಗೆ ಹೋಗುತ್ತಿದ್ದ ಎರಡು ಟ್ರಕ್ ಗಳು ನಿಯಂತ್ರಣ ಕಳೆದುಕೊಂಡು ಬಾಳೆಬರೆ/ಹುಲಿಕಲ್ ಘಾಟ್ ನಲ್ಲಿ ವಾಲಿದ ಪರಿಣಾಮ ಸಂಚಾರದಲ್ಲಿ ವ್ಯತ್ಯಯ ಉಂಟಾದ ಘಟನೆ ಶನಿವಾರ ನಡೆದಿದೆ.

ಹೊಸಂಗಡಿಯಿಂದ ಹಲವಾರು ಕಿಮೀ ಉದ್ದದಷ್ಟು ವಾಹನಗಳ ಸಾಲು ಕಂಡು ಬಂತು. ಲಾರಿಯನ್ನು ಸಹಜಸ್ಥಿತಿಗೆ ತರುವ ಕಾರ್ಯಾಚರಣೆ ಮುಗಿಯುವವರೆಗೆ ಸಂಚಾರ ಏಕಮುಖವಾಗಿತ್ತು. ರಸ್ತೆಯ ಅಂಚಿನಲ್ಲಿ ತಡೆಗೋಡೆ ಇದ್ದ ಕಾರಣ ಭಾರಿ ಅನಾಹುತ ತಪ್ಪಿತು.

ಪೊಲೀಸರು ಹಾಗೂ ಅರಣ್ಯ ಇಲಾಖೆ ಸಿಬ್ಬಂದಿ ಸಂಚಾರ ಸುಗಮಗೊಳಿಸಲು ಭಾರಿ ವಾಹನಗಳನ್ನು ತಡೆದು ಬಸ್ ಹಾಗೂ ಲಘು ವಾಹನಗಳಿಗೆ ಅನುವು ಮಾಡಿಕೊಟ್ಟರು.