ಮಂಗಳೂರು, ಡಿ. 28: ಭವಾನಿ ಕ್ರಿಯೇಷನ್ಸ್ ಪ್ರಸ್ತುತಪಡಿಸುವ ‘ಪ್ರೀತಿದ ಎಸಲ್-It’s colorful’ ಎಂಬ ತುಳು ಆಲ್ಬಮ್ ಸಾಂಗ್ ಜನವರಿ 1 ರಂದು ಕಾಲಾಗ್ನಿ ಕ್ರಿಯೇಷನ್ಸ್ ಯೂಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆಯಾಗಲಿದೆ. ನಿರೂಪಕ ಮೋಹಿತ್ ಕುಮಾರ್ ತಲಪಾಡಿ ಅವರ ನಿರ್ದೇಶನದಲ್ಲಿ ಮೂಡಿಬಂದಿರುವ ಗೀತೆಗೆ ಧೀರಜ್ ಕುಮಾರ್ ಉಳ್ಳಾಲ ಇವರು ಸಾಹಿತ್ಯವನ್ನು ಪೋಣಿಸಿದ್ದಾರೆ. ಗೀತೆಯು ಪ್ರಥಮ್ ಮಂಜೇಶ್ವರ ಹಾಗೂ ಕಾವ್ಯಶ್ರೀ ಪಾಣೆರ್ ಇವರ ಸುಮಧುರ ಧ್ವನಿಯಲ್ಲಿ ಕೇಳುಗರ ಕಿವಿಗೆ ಇಂಪರೆಯಲಿದೆ.

ಶರಣ್ ಗಟ್ಟಿ ಹಾಗೂ ಪೂರ್ಣಿಮಾ ಯು ಅವರು ಮುಖ್ಯ ಭೂಮಿಕೆಯಲ್ಲಿ ಇದ್ದಾರೆ. ಮಹಾಂತೇಶ್ ದಿಡ್ಡಿಮನಿ, ಹಿತೇಶ್, ಪ್ರಿಯಾಂಕ, ಹರ್ಷಿತಾ, ಮೇಘನಾ, ಸುರಕ್ಷಾ, ಸೌಮ್ಯ ಇವರು ಫೋಷಕ ಪಾತ್ರದಲ್ಲಿದ್ದಾರೆ. ರಾಹುಲ್ ಶೆಟ್ಟಿ ಅವರು ಛಾಯಾಗ್ರಹಣ ಹಾಗೂ ಸಂಕಲನದಲ್ಲಿ ಹೊಸತನವನ್ನು ಸೃಷ್ಟಿಸಿದ್ದಾರೆ. ಸಂತೋಷ್ ಶೆಟ್ಟಿ ಅವರು ಟೈಟಲ್ ಡಿಸೈನ್, ಕಾರ್ತಿಕ್ ಪೂಜಾರಿ ಅವರು ಪಬ್ಲಿಸಿಟಿ ಡಿಸೈನ್ ಮಾಡಿದ್ದಾರೆ. ಮಂಗಳೂರಿನ ಸಪ್ತಕ್ ಸ್ಟುಡಿಯೋದಲ್ಲಿ ರೆಕಾರ್ಡಿಂಗ್, ಚಿದಾನಂದ ಕಡಬ ಅವರು ಗೀತೆಗೆ ಮಾಸ್ಟರಿಂಗ್ ಮತ್ತು ಮಿಕ್ಸಿಂಗ್ ಮಾಡಿದ್ದಾರೆ. ಕುಮಾರ್ ವಿಟ್ಲ ಇವರ ಹಿನ್ನೆಲೆ ಧ್ವನಿಯಿದೆ.