ಉಡುಪಿ: ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ, ಕನ್ನಡ ಸಾಹಿತ್ಯ ಪರಿಷತ್ ಉಡುಪಿ ಜಿಲ್ಲೆ, ರಾಷ್ಟ್ರೀಯ ಪದವಿ ವಿದ್ಯಾರ್ಥಿಗಳ ಪೋಷಕ ಮತ್ತು ಶಿಕ್ಷಕರ ಸಂಘ ಸಂಯುಕ್ತ ಆಶ್ರಯದಲ್ಲಿ ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಪ್ರಯುಕ್ತ ಕೆ ವಿಜಯ್ ಕೊಡವೂರು ಸಂಯೋಜನೆಯಲ್ಲಿ ಉಡುಪಿ ಜಿಲ್ಲಾ ಮಟ್ಟದ ಭಾಷಣ ಸ್ಪರ್ಧೆ ಆಗಸ್ಟ್ 14 ಭಾನುವಾರ ಶ್ರೀಮತಿ ಸೀತಾಲಕ್ಷ್ಮಿ ಮತ್ತು ಬಿ ಎಂ ರಾಮಕೃಷ್ಣ ಹತ್ವಾರ್ ಸಭಾಭವನ, ಸರಕಾರಿ ಬಾಲಕಿಯರ ಪದವಿ ಪೂರ್ವ ಕಾಲೇಜು, ಉಡುಪಿ ಇಲ್ಲಿ ನಡೆಯಲಿದೆ. ಮಧ್ಯಾಹ್ನ 1.30 ರಿಂದ ಸ್ಪರ್ಧೆ ಆರಂಭವಾಗಲಿದೆ.

ಸ್ಪರ್ಧೆಯ ವಿವರಗಳು:
ಭಾಷಣದ ವಿಷಯ: ಭವಿಷ್ಯದ ಜನಪ್ರತಿನಿಧಿ ಹೇಗಿರಬೇಕು? ಕಿರಿಯ ವಿಭಾಗ: 11 ಮತ್ತು 12 ನೆಯ ತರಗತಿ ವಿದ್ಯಾರ್ಥಿಗಳು (16 ರಿಂದ 18 ವಯಸ್ಸಿನ ಗುಂಪು) ಪ್ರಥಮ ಬಹುಮಾನ:- 3000.00, ದ್ವಿತೀಯ ಬಹುಮಾನ- 1000.00 ಮತ್ತು ಪ್ರಮಾಣ ಪತ್ರ.

ಹಿರಿಯರ ವಿಭಾಗ- ಪದವಿ / ಸ್ನಾತಕೋತ್ತರ ವಿದ್ಯಾರ್ಥಿಗಳು / ಉದ್ಯೋಗಿಗಳು
(19 ರಿಂದ 23 ವರ್ಷ ವಯೋಮಿತಿ) ಪ್ರಥಮ ಬಹುಮಾನ- 4,000.00, ದ್ವಿತೀಯ ಬಹುಮಾನ- 2000.00

ಸ್ಪರ್ಧೆಯ ನಿಯಮಗಳು:
ಭಾಷಣ ಕನ್ನಡ ಭಾಷೆಯಲ್ಲಿ ಮಾತ್ರ ಇರಬೇಕು. ಪೂರ್ವ ನೋಂದಣಿ ಕಡ್ಡಾಯ. ಗರಿಷ್ಠ ಸಮಯದ ಮಿತಿ 4 ನಿಮಿಷ. ಮೊದಲು ನೊಂದಾಯಿಸಿದವರಿಗೆ ಮೊದಲ ಆದ್ಯತೆ. ಪ್ರತಿ ವರ್ಗಕ್ಕೆ ಕನಿಷ್ಠ 25 ನೋಂದಾವಣೆಗಳು ಮಾತ್ರ. ನೋಂದಾವಣೆಗಾಗಿ ನಿಮ್ಮ ಆಧಾರ್ ಕಾರ್ಡ್ ಕಡ್ಡಾಯ.

ಹೆಸರನ್ನು ನೋಂದಾಯಿಸಲು ಈ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ ಅರ್ಜಿಯನ್ನು ತುಂಬಿಸಿ:

https://forms.gle/PmgtEqUfQDUfiWH2A 

ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ- 9137386752