ಕಟಪಾಡಿ: ಸಮಾಜ ಸೇವಕ ಕಟಪಾಡಿ ಶಶಿಧರ ಪುರೋಹಿತ್ ಅವರ ನೇತೃತ್ವದಲ್ಲಿ ಸಮಾನ ಮನಸ್ಕರ ತಂಡದ ಗ್ರಹ ನಿರ್ಮಾಣ ಮತ್ತು ಗ್ರಹ ನವೀಕರಣ ಸಮಿತಿ ಉಡುಪಿ ಇದರ ಸ್ನೇಹ ಕೂಟ ಕಟಪಾಡಿ ಶ್ರೀ ಕಾಳಿಕಾಂಬ ವಿಶ್ವಕರ್ಮೇಶ್ವರ ದೇವಸ್ಥಾನದಲ್ಲಿ ನಡೆಯಿತು.

ಸಮಾನ ಮನಸ್ಕರ ತಂಡದ ಗ್ರಹ ನಿರ್ಮಾಣ ಮತ್ತು ಗ್ರಹ ನವೀಕರಣ ಸಮಿತಿಯು ಬಡ ಕುಟುಂಬಗಳಿಗೆ ಇಲ್ಲಿಯವರೆಗೆ 11 ಮನೆಗಳನ್ನು ನಿರ್ಮಿಸಿದೆ. ಹ್ಯುಮ್ಯಾನಿಟಿ ಫೌಂಡೇಶನ್ ಇದರ ರೋಶನ್ ಬೆಳ್ಮಣ್ ಮುಖ್ಯ ಅತಿಥಿಯಾಗಿದ್ದ ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ರಥಶಿಲ್ಪಿ ರಾಜಗೋಪಾಲ್ ಆಚಾರ್ಯ ಕೋಟೇಶ್ವರ ವಹಿಸಿದ್ದರು. ರಾಜೇಶ್ ಸುವರ್ಣ ಮಧ್ವನಗರ ಇವರನ್ನು ಸನ್ಮಾನಿಸಲಾಯಿತು.

ಶಶಿಧರ್ ಪೊರೋಹಿತ್ ಕಟಪಾಡಿ, ರಾಘವೇಂದ್ರ ಆಚಾರ್ಯ ಕೋಟ, ವಿಶ್ವನಾಥ್ ಆಚಾರ್ಯ ಕರಂಬಳ್ಳಿ, ವಜ್ರೇಶ್ವರಿ ಬ್ರಹ್ಮಾವರ, ಸದಾನಂದ ಆಚಾರ್ಯ, ಮಾಧವ ಆಚಾರ್ಯ ಪುತ್ತೂರು, ದಾಮೋಧರ್ ಆಚಾರ್ಯ ಮುಂತಾದವರು ಉಪಸ್ಥಿತರಿದ್ದರು.