ಉಡುಪಿ: ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ಜಿಲ್ಲಾ ಸರ್ವೇಕ್ಷಣಾ ಘಟಕ, ಎನ್.ಸಿ.ಡಿ ವಿಭಾಗ, ಪ್ರೆಸ್ ಕ್ಲಬ್, ವೈದ್ಯಕೀಯ ಪ್ರಕೋಷ್ಠ, ಭಾರತೀಯ ವೈದ್ಯಕೀಯ ಮಂಡಳಿ ಹಾಗೂ ರೋಟರಿ ಕ್ಲಬ್ ಉಡುಪಿ ಮಣಿಪಾಲ ಇವರ ಸಂಯುಕ್ತ ಆಶ್ರಯದಲ್ಲಿ ವಿಶ್ವ ಆರೋಗ್ಯ ದಿನಾಚರಣೆ ಅಂಗವಾಗಿ ಸೈಕಲ್ ಜಾಥಾವು ಏಪ್ರಿಲ್ 17 ರಂದು ಬೆಳಗ್ಗೆ 6.30 ಕ್ಕೆ ಅಜ್ಜರಕಾಡಿನಿಂದ ಆರಂಭಗೊಂಡು, ಕಿನ್ನಿಮೂಲ್ಕಿ ಸ್ವಾಗತಗೋಪುರದ ಬಳಿಯಿಂದ ಉಡುಪಿ ನಗರವನ್ನು ಪ್ರವೇಶಿಸಿ, ಬೋರ್ಡ್ ಹೈಸ್ಕೂಲ್ ಆವರಣದವರೆಗೆ ನಡೆಯಲಿದೆ.

ಜಾಥಾದಲ್ಲಿ ಭಾಗವಹಿಸುವವರು ತಮ್ಮ ಹೆಸರನ್ನು ಗೂಗಲ್ ಫಾರ್ಮ್ನಲ್ಲಿ ಏ. 15 ರ ಒಳಗೆ ನೋಂದಾಯಿಸಿಕೊಂಡು, ಜಾಥಾ ನಡೆಯುವ ದಿನದಂದು ಬೆಳಗ್ಗೆ 6 ಗಂಟೆಗೆ ಅಜ್ಜರಕಾಡು ಹುತಾತ್ಮರ ಚೌಕ ಬಳಿ ಹಾಜರಾಗಬೇಕು.

ಹೆಚ್ಚಿನ ಮಾಹಿತಿಗಾಗಿ ಡಾ. ರಾಮಚಂದ್ರ ಕಾಮತ್ ಮೊ.ನಂ: 9686694425, ಡಾ.ವಿಜಯೇಂದ್ರ ಮೊ.ನಂ: 9980030400 ಹಾಗೂ ರಾಜೇಶ್ ಮೊ.ನಂ:9972389143 ಅನ್ನು ಸಂಪರ್ಕಿಸುವಂತೆ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಅಧಿಕಾರಿಗಳ ಕಚೇರಿ ಪ್ರಕಟಣೆ ತಿಳಿಸಿದೆ.