ಬ್ರಹ್ಮಾವರ: ಹಾವಂಜೆಯ ಕೀಳಂಜೆಯಲ್ಲಿರುವ ಮಾಸ್ ಒನ್ ಕಟ್ಟಡದಲ್ಲಿ ಸಂಗಮ್ ಸೌಹಾರ್ದ ಕೋ ಆಪರೇಟಿವ್ (ನಿ) ಉದ್ಘಾಟನೆ ನಡೆಯಿತು. ಉಡುಪಿ ಜಿಲ್ಲಾ ಸಹಕಾರಿ ಯೂನಿಯನ್ (ನಿ) ಅಧ್ಯಕ್ಷರಾದ ಜಯಕರ ಬಿ. ಶೆಟ್ಟಿ ಇಂದ್ರಾಳಿ ಇವರು ಉದ್ಘಾಟನೆ ನೆರವೇರಿಸಿ ಶುಭ ಹಾರೈಸಿದರು.

ಶಾಸಕ ಕೆ. ರಘುಪತಿ ಭಟ್, ಮಾಜಿ ಸಚಿವರಾದ ಪ್ರಮೋದ್ ಮಧ್ವರಾಜ್, ಮೀನು ಮಾರಾಟ ಫೆಡರೇಶನ್ ಅಧ್ಯಕ್ಷರಾದ ಯಶ್ಪಾಲ್ ಎ. ಸುವರ್ಣ, ಹಾವಂಜೆ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಅಜಿತ್ ಗೋಳಿಕಟ್ಟೆ, ಉದ್ಯಮಿ ಹಾಗೂ ಲಯನ್ಸ್ ಮಾಜಿ ಜಿಲ್ಲಾ ಗವರ್ನರ್ ವಿ.ಜಿ ಶೆಟ್ಟಿ, ಟ್ಯಾಕ್ಸ್ ಪ್ರಾಕ್ಟೀಶನರ್ ಹಾಗೂ ಶ್ರೀದ ಸೌಹಾರ್ದ ಕ್ರೆಡಿಟ್ ಸಹಕಾರಿ (ನಿ) ತೆಂಕಬೆಟ್ಟು ಉಪ್ಪೂರು ಇದರ ಅಧ್ಯಕ್ಷರಾದ ರಾಜ ಎಂ ಸಾಲಿಯಾನ್, ನ್ಯಾಯವಾದಿ ಸತೀಶ್ ಬಿ.ಎಸ್ ಕುಕ್ಕಿಕಟ್ಟೆ, ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ಹಾವಂಜೆ ಧರ್ಮದರ್ಶಿ ಸುರೇಶ್ ಬಿ ಶೆಟ್ಟಿ, ಸಂಗಮ್ ಸೌಹಾರ್ದ ಕೋ-ಆಪರೇಟಿವ್ (ನಿ) ಉಪಾಧ್ಯಕ್ಷರಾದ ಜ್ಯೋತಿ ಕೃಷ್ಣಮೂರ್ತಿ ಉಪಸ್ಥಿತರಿದ್ದರು.

ಸಂಗಮ್ ಸೌಹಾರ್ದ ಕೋ-ಆಪರೇಟಿವ್ (ನಿ) ಅಧ್ಯಕ್ಷರಾದ ಮನೋಜ್ ಕುಮಾರ್ ಶೆಟ್ಟಿ ಅಧ್ಯಕ್ಷತೆ ವಹಿಸಿದ್ದರು. ಪ್ರವೀಣ್ ಕುಮಾರ್ ಉಪ್ಪೂರು ಸ್ವಾಗತಿಸಿದರು. ಸಿಯಾನ್ ಶೆಟ್ಟಿ ಪ್ರಾರ್ಥನೆ ನೆರವೇರಿಸಿದರು. ವತ್ಸಲಾ ವಿ ಕರ್ಕಡ ಪ್ರಸ್ತಾವಿಕವಾಗಿ ಮಾತನಾಡಿದರು. ಮಿನಾಲ್ ವಂದಿಸಿದರು.