ಕೋಟ, ಅ.27: ಅಮೃತೇಶ್ವರಿ ಹಲವು ಮಕ್ಕಳ ತಾಯಿ ದೇವಸ್ಥಾನಕ್ಕೆ ಸಂಗೀತ ನಿರ್ದೇಶಕ ರವಿ ಬಸ್ರೂರು ಭೇಟಿ ನೀಡಿದರು. ದೇಗುಲದ ಆಡಳಿತ ಮಂಡಳಿಯ ಸದಸ್ಯ ಸುಭಾಷ್ ಶೆಟ್ಟಿ ಗಿಳಿಯಾರು ಶಾಲು ಹೊದಿಸಿ ಗೌರವಿಸಿದರು. ದೇಗುಲದ ಪ್ರಧಾನ ಅರ್ಚಕ ಸುಬ್ರಾಯ ಜೋಗಿ ಪ್ರಸಾದ ವಿತರಿಸಿ ಹರಸಿದರು. ರವಿ ಬಸ್ರೂರು ಕುಟುಂಬ ಹಾಗೂ ಸಂಗಡಿಗರು, ಸಹ ನಟ ವಿಜಯ ಬಸ್ರೂರು, ದೇಗುಲದ ಅರ್ಚಕ ಪ್ರತಿನಿಧಿಗಳಾದ ದೀಕ್ಷಿತ್ ಜೋಗಿ, ಗಿರೀಶ್ ಜೋಗಿ, ಸಂತೋಷ್ ಜೋಗಿ, ವಿಜಯ ಜೋಗಿ ಮತ್ತಿತರರು ಉಪಸ್ಥಿತರಿದ್ದರು.