ಮಣಿಪಾಲ, ಮೇ 20: ರೋಟರಿ ಮಣಿಪಾಲ ಹಿಲ್ಸ್‌ ಪ್ರಾಯೋಜಿತ ಮಣ್ಣಪಳ್ಳದ ರೋಟರಿ ಮುಖ್ಯದ್ವಾರದ ಎದುರುಗಡೆ ಮೂರು ರಸ್ತೆಗಳು ಕೂಡುವಲ್ಲಿ ನಿರ್ಮಿಸಿದ ರೋಟರಿ ವೃತ್ತವನ್ನು ರೋಟರಿ ಜಿಲ್ಲಾ 3182 ರ ನಿಕಟಪೂರ್ವ ಡಿಸ್ಟ್ರಿಕ್ಟ್ ಗವರ್ನರ್ ಡಾ. ಜಯಗೌರಿ, ಉಡುಪಿ ನಗರಸಭೆಯ ಪೌರಾಯುಕ್ತರಾದ ರಾಯಪ್ಪ, ರೋಟರಿ ಮಣಿಪಾಲ ಹಿಲ್ಸ್ ನ ಅಧ್ಯಕ್ಷ ರಮಾನಂದ ಭಟ್, ಉಡುಪಿ ರೋಟರಿ ಅಧ್ಯಕ್ಷೆ ದೀಪಾ ಭಂಡಾರಿ, ರೋಟರಿ ಅಸಿಸ್ಟೆಂಟ್ ಗವರ್ನರ್ ಕೆಂಪರಾಜ್, ಕೋಟ ವಿವೇಕ ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲ ಕೆ ಜಗದೀಶ ನಾವಡ, ವಲಯ ಸೇನಾನಿ ತಾರಾ ಶೆಟ್ಟಿ, ಹಿರಿಯ ಕಿರಿಯ ರೋಟರಿ ನಾಯಕರ ಉಪಸ್ಥಿತಿಯಲ್ಲಿ ಉದ್ಘಾಟಿಸಿದರು. ಜಿಲ್ಲಾ ರೋಟರಿಯ ‘ಸುರಕ್ಷಿತವಾಗಿ ಚಲಿಸಿ – ಜೀವ ಉಳಿಸಿ’ ಯೋಜನೆಯಂತೆ ದಾನಿ ಬೆಂಗಳೂರಿನ ಕೈಗಾರಿಕೋದ್ಯಮಿ ಸಿ ಎಮ್ ಪೈ ಹಾಗೂ ರೋಟರಿ ನಿಧಿಯ ಅನುದಾನದಿಂದ ನಿರ್ಮಿಸಲಾಗಿದೆ. ಈ ವೃತ್ತದ ವಿನ್ಯಾಸ ಹಾಗೂ ಕಾಮಗಾರಿಯನ್ನು ಉಡುಪಿ ನಗರಸಭೆಯ ಮಂಜೂರಾತಿ ಮೇರೆಗೆ, ಶಾಂಭವೀ ಬಿಲ್ಡರ್ ನ ಅಪ್ಪಣ್ಣ ಅವರು ನಿರ್ವಹಿಸಿದ್ದಾರೆ.