ಉಡುಪಿ, ಮಾ.5: ಕೇಂದ್ರ ಸರಕಾರದ ನೂತನ ಮತ್ತು ಮಹತ್ವದ ಯೋಜನೆಯಾದ ಪ್ರಧಾನ ಮಂತ್ರಿ ಸೂರ್ಯ ಘರ್ ಮನೆಯ ಮೇಲ್ಛಾವಣೆಯಲ್ಲಿ ಸೋಲಾರ್ ಪ್ಯಾನಲ್ ಅಳವಡಿಸಿ ವಿದ್ಯುತ್ ಪಡೆಯುವುದಾಗಿದೆ. ಯಾರ ಮನೆಗೆ ಸೋಲಾರ್ ವಿದ್ಯುತ್ ಬೆಳಕು ಬೇಕೋ ಅವರು ಹತ್ತಿರದ ಅಂಚೆ ಕಚೇರಿಯಲ್ಲಿ ತಿಳಿಸಿದರೆ ಅವರು ಆ ಮನೆಯ ಸರ್ವೇ ಮಾಡಿ, ವಿದ್ಯುತ್ ಕಂಪನಿಗೆ ತಿಳಿಸುತ್ತಾರೆ. ನಂತರ ವಿದ್ಯುತ್ ಕಂಪನಿಯವರು ಆ ಮನೆಗೆ ಸೋಲಾರ್ ಪ್ಯಾನಲ್ ಜೋಡಿಸುತ್ತಾರೆ. ಒಂದು ಕಿಲೋ ವ್ಯಾಟ್ ನಿಂದ ಹತ್ತು ಕಿಲೋ ವ್ಯಾಟ್ ನವರೆಗೆ ಸೋಲಾರ್ ಅಳವಡಿಸಿಕೊಳ್ಳಬಹುದು. ಈ ಯೋಜನೆಯ ಫಲಾನುಭವಿಗಳಿಗೆ ಸರಕಾರವು ರೂ. 30000-78000 ವರೆಗೆ ಸಹಾಯಧನ ನೀಡುವುದಲ್ಲದೇ, ವಾರ್ಷಿಕವಾಗಿ ಪ್ರತಿ ಮನೆಗೆ ರೂ. 15000 ಉಳಿತಾಯದ ಲಾಭ ಸಿಗಲಿದೆ. 7% ಬಡ್ಡಿ ದರದಲ್ಲಿ ಸಾಲದ ಸೌಲಭ್ಯವೂ ಈ ಯೋಜನೆಯಲ್ಲಿದೆ. ನೊಂದಾವಣೆಗೆ ಸಾರ್ವಜನಿಕರು ಹತ್ತಿರದ ಅಂಚೆ ಕಛೇರಿಯನ್ನು ಅಥವಾ ಮನೆ ಬಾಗಿಲಿಗೆ ಬರುವ ಅಂಚೆಯಣ್ಣನನ್ನು ಕೂಡಲೆ ಸಂಪರ್ಕಿಸಿ ಈ ಯೋಜನೆಗೆ ಮೊಬೈಲ್ ಆಪ್ ಮೂಲಕ ನೊಂದಣಿ ಮಾಡಿಸಿಕೊಳ್ಳಬೇಕಾಗಿ ಉಡುಪಿ ಅಂಚೆ ವಿಭಾಗದ ಅಂಚೆ ಅಧೀಕ್ಷಕ ರಮೇಶ್ ಪ್ರಭು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ನೊಂದಣಿಗೆ ಕೊನೆಯ ದಿನ ಮಾರ್ಚ್ 8 2024.