ಉಡುಪಿ, ಜ.14: ಜೇಸಿಐ ಶಂಕರನಾರಾಯಣ ವತಿಯಿಂದ ಸ್ವಾಮಿ ವಿವೇಕಾನಂದರ ಜನ್ಮದಿನದ ಅಂಗವಾಗಿ ರಾಷ್ಟ್ರೀಯ ಯುವ ದಿನಾಚರಣೆ ಕಾರ್ಯಕ್ರಮ ಶಂಕರನಾರಾಯಣದ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ನಡೆಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಜೇಸಿಐ ಶಂಕರನಾರಾಯಣ ಅಧ್ಯಕ್ಷರಾದ ವಿರಾಜ್ ಶೇಟ್ ವಹಿಸಿದ್ದರು. ಶಾಲಾ ಮುಖ್ಯ ಶಿಕ್ಷಕಿ ಅನ್ನಪೂರ್ಣ ರಾವ್, ಸ್ವಾಮಿ ವಿವೇಕಾನಂದರ ತತ್ವಾದರ್ಶಗಳ ಕುರಿತು ಮಾತನಾಡಿದರು. ಶಿಕ್ಷಕಿಯರಾದ ರಾಜಶ್ರೀ, ಸುನಿತಾ ಜಿ., ಶೋಭಾ ಎಸ್., ವತ್ಸಲಾ ರಾವ್, ಭಾಗ್ಯಕ್ಷ್ಮೀ ಕೆ ಯು., ಪ್ರೇಮಾಬಾಯಿ, ಮಂಗಳ, ಶ್ರೀಲತ, ನಾಗವೇಣಿ, ಆಶಾರಾಣಿ, ಭಾಗೀರಥಿ, ಸಂದ್ಯಾ, ವಿದ್ಯಾರ್ಥಿಗಳಿದ್ದರು. ಜೇಸಿಐ ಉಪಾಧ್ಯಕ್ಷರಾದ ಪ್ರವೀಣ ಬಾಳೆಕೊಡ್ಲು ಸ್ವಾಗತಿಸಿ ಕಾರ್ಯದರ್ಶಿ ನಾರಾಯಣ ಟಿ ವಂದಿಸಿದರು. ಶಿಕ್ಷಕ ಮಂಜುನಾಥ ಬಿ ಎಸ್ ಕಾರ್ಯಕ್ರಮ ನಿರೂಪಿಸಿದರು.