ಹಾವಂಜೆ, ಡಿ.12: ಡಿಸೆಂಬರ್ 12 ಮಂಗಳವಾರ ಹಾವಂಜೆಯ ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಕಾರ್ತಿಕ ದೀಪೋತ್ಸವದ ಪ್ರಯುಕ್ತ ಹಾವಂಜೆ ಗ್ರಾಮ ವಿಕಾಸ ಸಮಿತಿಯ ನೇತೃತ್ವದಲ್ಲಿ ‘ನಮ್ಮ ನಡಿಗೆ ಗ್ರಾಮದೊಡೆಯನೆಡೆಗೆ’ ಪಾದಯಾತ್ರೆ ನಡೆಯಲಿದೆ. ಮಂಗಳವಾರ ಸಂಜೆ 6 ಘಂಟೆಗೆ ಸರಿಯಾಗಿ ಕೊಳಲಗಿರಿ ಪೇಟೆ ಹಾಗೂ ಗೋಳಿಕಟ್ಟೆ ಕಲ್ಕುಡನ ಸನ್ನಿಧಾನದಿಂದ ಏಕಕಾಲಕ್ಕೆ ಪಾದಯಾತ್ರೆ ಹೊರಟು ದೇವಸ್ಥಾನ ತಲುಪಲಿದೆ. ಪಾದಯಾತ್ರೆಯಲ್ಲಿ ಬಂದವರನ್ನು ವಾಪಾಸು ಬಿಡಲು ವಾಹನದ ವ್ಯವಸ್ಥೆ ಇದೆ ಎಂದು ಆಯೋಜಕರ ಪ್ರಕಟಣೆ ತಿಳಿಸಿದೆ.