ಉಡುಪಿ, ನ.29: ವಿಬುಧಪ್ರಿಯ ನಾಗಕ್ಷೇತ್ರದಲ್ಲಿ ದೀಪೋತ್ಸವ ಮತ್ತು ಸತ್ಯನಾರಾಯಣ ಪೂಜೆ ಸಹಿತ ಮಹಾರಂಗ ಪೂಜೆ ನಡೆಯಿತು. ಸತ್ಯನಾರಾಯಣ ಪೂಜೆಯು ಅರ್ಚಕರಾದ ನಂದನ್ ಭಟ್ ಕುಂಜಿತ್ತಾಯ ಅವರ ನೇತೃತ್ವದಲ್ಲಿ ಎ.ಕೆ ರಾವ್ ಅವರ ಸಹಯೋಗದೊಂದಿಗೆ ನಡೆಯಿತು. ತದನಂತರ ಮಹಾರಂಗ ಪೂಜೆಯು ಅರ್ಚಕರಾದ ಶ್ರೀಧರ್ ಭಟ್ ನೇತೃತ್ವದಲ್ಲಿ ನಾರಾಯಣ ಉಪಾಧ್ಯಾಯ ಅವರ ಸಹಯೋಗದೊಂದಿಗೆ ನಡೆಯಿತು. ಸತ್ಯನಾರಾಯಣ ಪೂಜೆ ಮತ್ತು ಮಹಾರಂಗ ಪೂಜೆ ಎಚ್. ಕೃಷ್ಣ ಭಟ್ ಮತ್ತು ಶ್ರೀಮತಿ ಜಯಂತಿ ಕೃಷ್ಣ ಭಟ್ ಸಹಕಾರದೊಂದಿಗೆ ನಡೆಯಿತು. ದೇವಸ್ಥಾನದ ಆಡಳಿತ ಮಂಡಳಿಯ ಅಧ್ಯಕ್ಷರಾದ ರಮೇಶ್ ಆಚಾರ್ಯ, ಕಾರ್ಯದರ್ಶಿಯಾದ ವಿಶ್ವನಾಥ ಶಾನುಭೋಗ, ಸಮನ್ವಯಕಾರರಾದ ಬಾಬು ಮಣಿಪಾಲ, ಭಕ್ತರು ಉಪಸ್ಥಿತರಿದ್ದರು. ಸಿದ್ದಬಸಯ್ಯ ಸ್ವಾಮಿ ಚಿಕ್ಕಮಠ ಮತ್ತು ಸ್ವಯಂ ಸೇವಕರ ತಂಡದಿಂದ ಪ್ರಸಾದ ವಿತರಿಸಲಾಯಿತು.