ಕಾಪು, ನ.20: ಪೊಲಿಪು ಸರಕಾರಿ ಹಿ.ಪ್ರಾ.ಶಾಲೆಗೆ ಸರಕಾರದ ಅನುದಾನದಲ್ಲಿ ಕೆ.ಜಿ ತರಗತಿಗಳಿಗೆ ನೀಡಿದ ಪೀಠೋಪಕರಣಗಳ ಹಸ್ತಾಂತರ ಕಾರ‍್ಯಕ್ರಮ ಮತ್ತು ಮಕ್ಕಳ ದಿನಾಚರಣೆ ಎಸ್.ಡಿ.ಎಮ್.ಸಿ. ಅಧ್ಯಕ್ಷೆ ಶೋಭಾ ಶೆಟ್ಟಿಯವರ ಅಧ್ಯಕ್ಷತೆಯಲ್ಲಿ ಜರಗಿತು. ಆಂಗ್ಲಮಾಧ್ಯಮ ಸಮಿತಿಯ ಕಾರ‍್ಯದರ್ಶಿಗಳಾದ ಹಾಗೂ ಕಾಪು ಪುರಸಭಾ ಸದಸ್ಯರಾದ ಕಿರಣ ಆಳ್ವ ಅವರು ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಪೊಲಿಪು ವಾರ್ಡಿನ ಪುರಸಭಾ ಸದಸ್ಯೆ ರಾಧಿಕಾ ಸುವರ್ಣ ಶುಭ ಹಾರೈಸಿದರು. ಪ್ರೀತಾ ಎನ್ ಶೆಟ್ಟಿ ಸ್ವಾಗತಿಸಿದರು. ಆರತಿ ವಾಸುದೇವ ಶಾಲಾ ವರದಿಯನ್ನು ವಾಚಿಸಿದರು.

ಕಾಪು ರೋಟರಿ ಅಧ್ಯಕ್ಷರಾದ ರಾಜೇಂದ್ರನಾಥ್ ಮಕ್ಕಳ ದಿನಾಚರಣೆಯ ಬಗ್ಗೆ ಮಾತನಾಡಿದರು. ಕ್ಷೇತ್ರ ಸಂಪನ್ಮೂಲ ಅಧಿಕಾರಿ ಸುನೀತ ಹಾಗೂ ಕಾಪು ರೋಟರಿಯ ಪೂರ್ವಾಧ್ಯಕ್ಷರಾದ ಕೆ. ಶ್ರೀನಿವಾಸ್ ರಾವ್ ಶುಭ ಹಾರೈಸಿದರು. ಬಹುಮಾನ ವಿಜೇತರ ಪಟ್ಟಿಯನ್ನು ಶಿಕ್ಷಕಿ್ ಸಾವಿತ್ರಿ, ಪ್ರಿಯ, ಸೌಮ್ಯ ಉದಯ್ ವಾಚಿಸಿದರು. ಕಾಪು ರೋಟರಿಯ ಕಾರ್ಯದರ್ಶಿ ವೇಣುಕೃಷ್ಣ, ಸದಾಶಿವ ಭಟ್, ಬಾಲಕೃಷ್ಣ ಆಚಾರ‍್ಯ, ಜೇಮ್ಸ್ ಡಿಸೋಜ, ಗೋಪಾಲ್ ನಾಯ್ಕ್, ಮಾಧವ ಸಾಲ್ಯಾನ್ ಬಹುಮಾನ ವಿತರಿಸಿದರು. ಶಾಲಾ ಮುಖ್ಯ ಶಿಕ್ಷಕಿ ಗಾಯತ್ರಿ ರಾವ್ ಕಾರ‍್ಯಕ್ರಮ ಸಂಯೋಜಿಸಿದರು. ಸೌಮ್ಯ ಸತೀಶ್ ವಂದಿಸಿದರು. ಶಿಕ್ಷಕಿ ಅಮಿತಾ, ನೀತಾ ಕಾರ‍್ಯಕ್ರಮ ನಿರೂಪಿಸಿದರು.