ಬ್ರಹ್ಮಾವರ: ಫೆಬ್ರವರಿ 1ರ ಬೆಳಗಿನ ಜಾವ ಸುಮಾರು 4-30 ಗಂಟೆಗೆ ಮನೆಯ ನಾಯಿ ಬೊಗಳುವುದನ್ನು ಕೇಳಿ ಮನೆಯ ಹೊರಗೆ ನೋಡಿದಾಗ ಎದುರಿಗೆ ಇರುವ ದನದ ಕೊಟ್ಟಿಗೆಯಲ್ಲಿ ಕಟ್ಟಿ ಹಾಕಿದ್ದ 4 ದನಗಳ ಪೈಕಿ ಒಂದು ದನದ ಬಳಿ ಮರೆಯಲ್ಲಿ ಇಬ್ಬರು ಹೋಗಿ ದನದ ಕುತ್ತಿಗೆಯ ಹಗ್ಗವನ್ನು ಕತ್ತಲೆಯಲ್ಲಿ ಬಿಚ್ಚುತ್ತಿರುವುದು ಕಂಡು ಬಂದಿದ್ದು ಬೊಬ್ಬೆ ಹೊಡೆದಾಗ ಆ ವ್ಯಕ್ತಿಗಳು ಕೊಟ್ಟಿಗೆಯಿಂದ ಹೊರಗೆ ಹೋಗಿ ಕೊಟ್ಟಿಗೆ ಪಕ್ಕದಲ್ಲಿ ಹಾದು ಹೋಗುವ ರಸ್ತೆಯಲ್ಲಿ ಚಾಲನಾ ಸ್ಥಿತಿಯಲ್ಲಿ ನಿಲ್ಲಿಸಿದ್ದ ಕಾರಿನ ಬಳಿ ಹೋಗಿ ಕಾರಿನಲ್ಲಿ ಅಲ್ಲಿಂದ ಪರಾರಿಯಾಗಿರುತ್ತಾರೆ.

ಇನ್ನೋರ್ವ ವ್ಯಕ್ತಿ ಕಾರಿನ ಚಾಲನಾ ಸೀಟಿನಲ್ಲಿ ಕುಳಿತಿರುವುದು ಕಂಡು ಬಂತು. ಮೂವರು ವ್ಯಕ್ತಿಗಳು ಸುಮಾರು 30-35 ವರ್ಷ ಪ್ರಾಯದವರಾಗಿರುತ್ತಾರೆ. ಸ್ಕೂಟಿಯಲ್ಲಿ ಕಾರನ್ನು ಹಿಂಬಾಲಿಸಿಕೊಂಡು ಬಬ್ಬುಸ್ವಾಮಿ ದೇವಸ್ಥಾನ ನಂದಿಗುಡ್ಡೆ ಕ್ರಾಸ್‌‌ವರೆಗೆ ಬಂದು ಕಾರಿನ ನೊಂದಣಿ ನಂಬ್ರವನ್ನು ನೋಡಿದ್ದು, ನೊಂದಣಿ ಸಂಖ್ಯೆ ಕೆಎ – 04 – ಎಂಕೆ- 744 ಮಾರುತಿ ಕಂಪೆನಿಯ ಕಾರು ಆಗಿರುತ್ತದೆ ಎಂದು ರಾಘವೇಂದ್ರ ಅವರು ದೂರು ನೀಡಿದ್ದು ಬ್ರಹ್ಮಾವರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.