ಉಡುಪಿ, ಸೆ.23: ಅಗಲಿದ ಬೆಂಗಳೂರಿನ ಉದ್ಯಮಿ, ಎಲ್ ರಾಮಚಂದ್ರ ಖೋಡೆ ಅವರಿಗೆ ಶ್ರದ್ಧಾಂಜಲಿ ಸಲ್ಲಿಸುವ ಕಾರ್ಯಕ್ರಮವು ಉಡುಪಿಯ ಭಗವಾನ್ ನಿತ್ಯಾನಂದ ಮಂದಿರ-ಮಠದಲ್ಲಿ ಶನಿವಾರ ನಡೆಯಿತು. ಬಳಿಕ ಮಿತ್ರ ಭೋಜನ ನಡೆಯಿತು.

ಖೋಡೆಯವರು ಉದ್ಯಮ, ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಕ್ಷೇತ್ರಗಳಲ್ಲಿ ಅನನ್ಯವಾದ ಸೇವೆ ಸಲ್ಲಿಸಿರುವ ಮೇರುವ್ಯಕ್ತಿ. ಅವರು ಕಾಂಞಂಗಾಡಿನ ಸ್ವಾಮಿ ನಿತ್ಯಾನಂದ ಆಶ್ರಮ ಪಬ್ಲಿಕ್ ಟ್ರಸ್ಟಿನ ಅಧ್ಯಕ್ಷರಾಗಿದ್ದರು. ಅಲ್ಲಿಯ ಆಶ್ರಮ, ಗುರುವನ, ಶಿಕ್ಷಣ ಸಂಸ್ಥೆಗಳನ್ನು ಅಭಿವೃದ್ಧಿಪಡಿಸಿದ್ದಾರೆ ಎಂದು ನುಡಿನಮನ ಮಾತುಗಳಲ್ಲಿ ಉಡುಪಿ ನಿತ್ಯಾನಂದ ಆಶ್ರಮದ ಕಾರ್ಯಾಧ್ಯಕ್ಷರಾದ ಕೆ. ದಿವಾಕರ ಶೆಟ್ಟಿ ತೋಟದಮನೆ ಹೇಳಿದರು. ಕೆ. ಮೋಹನಚಂದ್ರನ್ ನಂಬಿಯಾರ್, ವಿ.ಜಿ. ಶೆಟ್ಟಿ, ಟಿ. ಎ. ರವಿರಾಜನ್ ಕಾಡಬೆಟ್ಟು, ನುಡಿನಮನ ಸಲ್ಲಿಸಿದರು.

ಉಜ್ವಲ್ ಡೆವಲಪರ್ಸ್ ಇದರ ಪುರುಷೋತ್ತಮ ಪಿ. ಶೆಟ್ಟಿ, ಸಾಯಿರಾಧ ಗ್ರೂಪ್ ಇದರ ಮನೋಹರ್ ಶೆಟ್ಟಿ, ಜಯಕರ್ ಶೆಟ್ಟಿ ಇಂದ್ರಾಳಿ, ಎ.ಪಿ. ಗಿರೀಶ್ ಟಿ.ವಿ.18 ಗ್ರೂಫ್ ಬೆಂಗಳೂರು, ಮುರಳೀಧರ್ ಶೆಟ್ಟಿ ಕಡೆಕಾರ್, ಪ್ರೊ. ಬಿ. ರಘುವೀರ್ ಪೈ ಮಣಿಪಾಲ, ಎಮ್.ಎಮ್ ಪಡಿಯಾರ್ ಮಣಿಪಾಲ, ಮೋಹನ್ ಶೆಟ್ಟಿ, ಎಮ್. ಕೃಷ್ಣ ಆಳ್ವ, ನರೇಶ್ ಕುಮಾರ್ ಪೆರಂಪಳ್ಳಿ. ಹಾಗೂ ನಿತ್ಯಾನಂದ ಮಂದಿರ-ಮಠದ ಪದಾಧಿಕಾರಿಗಳು ಉಪಸ್ಥಿತರಿದ್ದರು. ಮಂದಿರ-ಮಠದ ಕಾರ್ಯದರ್ಶಿ ಈಶ್ವರ್ ಶೆಟ್ಟಿ ಚಿಟ್ಪಾಡಿ ಕಾರ್ಯಕ್ರಮ ನಿರೂಪಿಸಿದರು. ಅಧ್ಯಕ್ಷರಾದ ಬನ್ನಂಜೆ ಉದಯ ಕುಮಾರ್ ಶೆಟ್ಟಿ ವಂದಿಸಿದರು.