ಉಡುಪಿ, ಜು. 27: ಉಡುಪಿಯ ಶ್ರೀ ಕೃಷ್ಣ ಮಠದ ರಾಜಾಂಗಣದಲ್ಲಿ ನಡೆದ ರಾಷ್ಟ್ರಮಟ್ಟದ ಓಪನ್ ಕರಾಟೆ ಪಂದ್ಯಾವಳಿಯಲ್ಲಿ ತ್ರಿಶಾ ವಿದ್ಯಾ ಪಿ.ಯು ಕಾಲೇಜಿನ ವಿದ್ಯಾರ್ಥಿ ಆಶಿಷ್ ಯು. ಸಾಲಿಯಾನ್ ಚಿನ್ನದ ಪದಕವನ್ನು ಪಡೆದುಕೊಂಡಿದ್ದಾರೆ. ಇವರು ಕರಾಟೆಯಲ್ಲಿ ‘ಕುಮಿಟೆ’ ವಿಭಾಗದಲ್ಲಿ ಚಿನ್ನದ ಪದಕ ಪಡೆದಿದ್ದಾರೆ.

ಶಿಹಾನ್ ಸುರೇಶ್ ಆಚಾರ್ಯ ಇವರಲ್ಲಿ ಕರಾಟೆ ಅಭ್ಯಾಸವನ್ನು ಪಡೆದಿರುವ ಇವರು, ಮೂಡುಬೆಟ್ಟಿನ ಉಮೇಶ್ ಸಾಲಿಯಾನ್ ಮತ್ತು ಪ್ರಮೋದಾ ಸಾಲಿಯಾನ್ ದಂಪತಿ ಪುತ್ರ. ಆಶಿಷ್ ಸಾಧನೆಗೆ ತ್ರಿಶಾ ಸಂಸ್ಥೆ ಶುಭ ಹಾರೈಸಿದೆ.